غزنی ولایتی‌نینگ مدنی فعاللری، غزنی و زابل ولایت‌لری امنیتی تامین ایتیلمس‌لیگی اوچون حکومت‌نی بی‌فرق ایکن‌لیک‌ده عیبله‌گن‌لر. اوشبو مدنی فعال‌لر حکومتدن مذکور ولایت‌لر داعش همده قوراللی طالب‌لردن تازه‌لنیشی اوچون زابل‌نینگ خاک افغان ولسوال‌لیگی‌ده حربی تازلش عملیات اوتکزیلیشی‌نی سوره‌گن‌لر.
اوشبو مدنی فعال‌لر بوگون (شنبه) کابل‌ده بیر خبری ییغین اوتکزیب، بوندن نیچه وقت آلدین مرکزدن مذکور ولایت‌لرگه سفر قیلگن هیات‌لر امنیت تامین ایتلیشی اوچون ولایت‌نینگ خاک افغان ولسوال‌لیگی‌ده حربی تازه‌لش عملات اوتکزیلیشی باره‌سیده وعده بیرگن لیک‌لرینی ایتگنلر؛ اما هیات‌نینگ مذکر وعده‌سی هنوزگچه عمل‌گه آشیریلمه‌گن.
مدنی فعال‌لر، غزنی و قندهار عمومی یولی خوف‌سیزلیگی تامین ایتلیشی و خاک افغان ولسوال‌لیگی‌ده حربی تازه‌لش عملیات اوتکزیلمه‌گن حالده، کیله‌جک‌ده داعش گروهی مذکور منطقه‌لرده ییریک فاجعه یره‌تیشی امکان‌دن اوزاق ایمس دیگن‌لر.
غزنی مدنی جماعه‌چیلیک فعال‌لریدن غلام سخی خالد، اسلامی دولت گروهی (داعش) زابل ولایتی‌نینگ خاک افغان ولسوال‌لیگی‌ده کون ساین اوتیشی بیلن کوچلنیب بارماقده دیگن.
لیکن، غزنی ولایت کینگشی‌نینگ رییسی همده زابل و غزنی ولایتی اوچون مرکزی حکومت تامانیدن هیات اعضاسی ایتیب‌تعین لنگن خالقداد اکبری تیلفون آرقه‌لی سلام‌وطندار بیلن صحبت اوتکزیب، مذکور هیات‌لر قراری اساسیده زابل ولایتی‌نینگ خاک افغان تومنی‌ده حربی تازه‌لش عملیات باشلگن دیگن.
جناب اکبری، خاک افغان ولسوال‌لیگی جنگریلردن تازه‌لنیش بیلن غزنی ولایتی اوچون موجود تهدیدلر اورته‌دن کوتاریلگن و مذکور ولسوال‌لیکدن اوغیرلنگن‌لر هم تیزلیک‌ده آزاد ایلیشی باره‌سیده تاکیدله‌گن.
ایتیلیشیچه، غزنی ولایتی‌نینگ ناوه و زابل ولایتی‌نینگ خاک افغان ولسوال‌لیک‌لری سکیز ییلدن بیری قوراللی طالب‌لر همده باشقه ترروچی گروه‌لر اشغالی‌ده بولگن.
ایریم گزارش‌لرده غزنی عمومی ترانسپورت یولی‌نی باسیب اوته دیگن منطقه‌ده داعش و طالب‌لرتامانیدن اوغیرلنگن برچه یولاوچی‌لر زابل ولایتی‌نینگ خاک افغان ولسوال‌لیگی‌ده سقله‌نیشی ایتیله‌دی.
