غزنی ولایتی نینگ محلی و خوفسیزلیک مسؤوللری نینگ ایتیش‌لریچه، بوگون «دوشنبه، 29- ثور» ایرته‌لب ساعت 4:40 ده پارتلاوچی ماده تولدیریلگن بیر هاموی تانک گه مینگن هجومچی کابل-قندهار قتناو یولیده ثقافت اسلامی مرکزی نینگ یقینیده جایلشگن ملی خوفسیزلیک ریاستی نینگ 703 قطعه‌سینی هدف قرار بیرگن.
غزنی حاکمی سوزلاوچیسی واحدالله جمعه‌زاده نینگ ایتیشیچه، دستلبکی رقم‌لر اساسیده، حاضرگه‌قدر اوشبو واقعه ده 5 کیشی هلاک و باشقه 40 کیشی یره‌لنگن.
اونگه کوره، اوشبو واقعه ده هلاک بولگن‌لر و یره‌لنگن‌لرنینگ رقمی اوزگریشی ممکن.
غزنی حاکمی سوزلاوچیسی نینگ کوپه‌یتیریشیچه، پارتلش جوده هم شدتلی بولگنی اوچون واقعه محلی نینگ ایکی کیلومترلیگی ده بولگن اویلرنینگ شیشه‌لری سینگن، بیراق تینچ اهالی نینگ قربانلری توغریسیده آرتیچه معلومات یوق دیر.
عین دمده، ایچکی ایشلر وزیرلیگی سوزلاوچیسی طارق آرین، اوشبو واقعه نی تصدیقلب ایتیشیچه، «غزنی ده تروریست‌لر ثقافت اسلامی مرکزی نی پارتلاوچی ماده تولدیریلگن موتر بیلن هدف قرار بیرگن.»
غزنی ولایتی کسلخانه‌سینی باشلیغی بازمحمد همت نینگ سلام‌وطندارگه ایتیشیچه، واقعه محلی دن حاضرگچه اونلرچه یره‌لی بو کسلخانه گه انتقال بیریلگن.
طالبان گروهی اوشبو هجوم مسؤولیتی‌نی بوینیگه آلگن.
