.jpg)
غور ولایتینینگ مدنی فعاللری و ولایتی کینگش اعضالریدن بیرقطارینینگ ایتیشیچه، نیچه کوندن بویان قوراللی طالبلر غور طالبلرینینگ اورین باسری ملااحمدشاه و اوشبو گروهنینگ قومندانلریدن باشقه بیری ملاهجرت رهبرلیگیده مذکور ولایتنینگ 3 غربی تومنیده حربی عملیات اوتکزماقدهلر.
سلاموطندارگه صحبت بیرگن غور ولایت کینگشی اورین باسری عبدالرحمان عطشاننینگ ایتیشیچه، مذکور ولایتنینگ شهرک، تولک و ساغر تومنلریده طالبان گروهی فعالیتی قیلیب و هجوم یولگه قوییش اوچون سعی و حرکت قیلماقده.
غور ولایت کینگشی اعضاسیگه کوره، طالبان گروه مذکور تومنلرده حربی نمایش گه قوشیمچه اهالینی حکومتگه قرشی قیام قیلیش گه ترغیب ایتهدی. عطشاننینگ ایتیشیچه، حکومت بو تومنلرنینگ خوفسیزلیگی تامینلنیشی خصوصیده سعی و حرکت قیلمهگن صورتده، مذکور تومنلرنینگ خوفسیزلیک وضعیتی یمان بولیشی ممکن.
.jpg)
غور ولایتینینگ مدنی جماعه مسؤولی خدایار واقفنینگ غربی تومنلرنینگ خوفسیزلیک وضعیتیدن خواطر بیلدیریب ایتیشیچه، طالبلر غور-هرات قتناو یولی شامل اوچ غربی تومنده کینگ شکلده فعالیت قیلهدی، بیراق حکومت بو گروهنینگ فعالیتی برابریده تینچلیک اختیار قیلگن.
عین حالده، غور حاکمینینگ سوزلاوچیسی عبدالحی خطیبی، طالبلرنینگ حربی نمایشینی رد قیلیب و غور- هرات قتناو یولیده مذکور گروه فعالیتینی تصدیقلهیدی.
غور ولایتینینگ مدنی فعاللری و ولایتی کینگش اعضالریگه کوره، حاضر مذکور ولایتنینگ 6 تومنی ترورچی گروهلرنینگ تهدیدی گه روپهره بولیب تورگن. اولرنینگ ایتیشیچه، اوشبو ولایتنینگ شهرک تومنیده یوز بیرگن آتیشمه نتیجهسیده بیر پولیس هلاک ایتیلیب و بیرقطاری یرهلنگن.
