غزنی ولایتی‌نینگ پولیس اداره‌سی خوف‌سیزلیک آمری اسدالله انصافی‌نینگ سلام وطندارگه بیلدیریشیچه، پارتلش بوگون ساعت 11 ده خوگیانی ولسوال‌لیگی نینگ ده‌ملای قیشلاغی‌ده عمل‌گه آشیریلگن.
انصافی، تینچ اهالی‌سی یولاووچی‌سی بولگن تونس تیپلی موتر یول چیتی‌گه اورنه تیلگن ماین‌گه روپه ره بولیب، مسافرلر بوتونلی اورته‌دن کیتگن لیگی‌نی ایتگن.
جناب انصافی، یولاووچی‌لرنینگ سانی نیچه کیشی ایکن لیگی انیق لمنه‌گن لیگی‌نی تیل‌گه آلگن.
اما، عینی گواه‌لر موترده موجود 12 یولاووچی بوتونلی حیات‌دن کوز یومگن لیگی‌نی ایتگن‌لر.
عین حالده، غزنی ساغلیق‌نی سقلش اداره‌سی نینگ داکتری بازمحمد همت 8 ایرکک و 4 عیال نینگ جسدی شفاخانه‌گه آلیب کیلگن لیگی‌نی سلام وطندارگه ایتگن.
غزنی ولایت کینگشی‌نینگ رییسی خالقداد اکبری، قره‌باغ ولسوال‌لیگی‌دن جغتو تامان حرکت‌ده بولگن اوشبو موتر یول چیتی‌گه اورنه تیلگن ماین‌گه دوچ کیلیب، واقعه‌گه یولیقّن لیگی‌نی بیلدیرگن.
حادثه یوز بیرگن منطقه‌ده ماین اورنه تیلگن لیگی سبب ملی کوچلر جسدلرنی آلیش‌گه موفق بولمه‌گن‌لر. ایتیلیشیچه، جسدلر قیزیل خاچ نا دولت تشکیلاتی آرقه‌لی محل آلیب چیقیلگن.
اوشبو ماین اورنه‌تیش مسوولیتی‌نی هنوزگچه هیچ بیر گروه یا شخص اوز ذمه‌سیگه آلمه‌گن.
سونگی ایکّی کون ایچیده مملکت بولیب اوچ انتحاری هجوم صادر ایتلدی. اوتگن کون وطالب‌لر تامانی‌دن بلخ ولایتی‌نینگ باش قاره لاووچی‌لیک اداره‌سیگه اویوشتیریلگن هجوم‌ده 10 انسان هلاک ایتیلگن ایدی و حادثه‌ده کمیده 66 کیشی آغیر و یینگیل یره‌لنگن ایدی. عین حالده، بوگون ننگرهار ولایت هوا میدانی یقینی‌ده امریکه‌لیک حربی‌لر هجوم آستی‌گه آلینگن‌ده، اوچ تینچ اهالی هلاک بولیب، تورت نفر ایسه یره‌لندی.
