غزنی امنیتی رسمیلرینینگ ایتیشیچه، 7 کوندن بویان مذکور ولایتنینگ اندر تومنیده پاکستانلیکلر و چچنیلر شامل 400 دن آرتیق جنگری طالب امنیتی کوچلر بیلن اوروشهدیلر.
غزنی امنیه قومندانی امینالله امرخیلنینگ سلاموطندارگه ایتیشیچه، اندرده اوروشهدیگن جنگری طالبلر پاکستانلیک مصلحتچیلر و طالبلر تامانیدن غزنی، لوگر و پکتیکاده ییتیب تعیین ایتیلگن والیلر آرقهلی باشقریلهدی. طالبلر اندر تومنینینگ تصرف ایتگنلریدن کیین، گیرو منطقهسیگه کیریب و اوندن سونگ غزنی مرکزی اوستیگه هجوم اویوشتیریشگه قصد قیلگنلر.
بیراق، جناب امرخیلنینگ ایتیشیچه، طالبلر ایلگری کیله آلمهگنلر و اوشبو گروهنی اندر تومنینینگ 9 قیشلاغیدهگی ایریم قرارگاهی امنیتی کوچلر قولیگه اوتگن. غزنی امنیه قومندانینینگ ایتیشیچه، توقنهشوولر جریانیده 32 طالب هلاک ایتیلگن و باشقه 25 جنگری طالب یرهلنگن و شونینگدیک، امنیتی کوچلردن 5 تهسی هلاک ایتیلیب و باشقه 2 تهسی یرهلنتیریلگن.
جناب امرخیلنینگ کوپهیتیریشیچه، طالبلر تینچ اهالینی قورشاوگه آلگنلر. مسجدلر و تینچ اهالی اویلریدن امنیتی کوچلرنی نشانگه آلهدیلر و بو ایش حربی عملیات سُستلیگیگه سبب بولگن.
عین حالده، غزنی ولایتینینگ تینچلیک عالی کینگشی باشلیغی خلیلالله هوتک، اندر تومنیده تینچ اهالی وضعیتی خواطرلی دیب و امنیتی کوچلردن تنقیدقیلیب ایتیشیچه، حربی و پولیس کوچلری مملکتدن طالبلرنی تازهلشگه حرکت قیلمهیدیلر و یالغیز محلی پولیس و خلق کوچلری، اوشبو گروهگه قرشی اوروشهدیلر.
