سوداگر عیاللر، اوتمیش بیرییل دوامیده سوداگرلیک ایشلری آزه یب کیتماقده لیگیدن شکایت قیله دیلر.
ینگی بیر تیکشیرو بولیب اوتیشی بیلن سوداگرلیک بولیمیده عیاللر باشقرویده بولگن شرکت‌لر سانی کوپه یب بارماقده ایکن‌لیگی کورسه تیلگن. بوتیکشیریش افغانستان سوداگرلیک و صنعتلر اتاقی تامانیدن بولگن ایکن، اونگه کوره عیاللر باشقروویده بولگن شرکت‌لر 15 دن 18 فایز یوقاری کیتگنی‌نی کورستگن.
سوداگرلیک و صعنت‌لر اتاقی نینگ اجرایی باشلیغی عتیق‌الله نصرت بو اداره میلادی 2012- ییل‌دن باشلب، سوداگر عیاللر اقتصادی بولیملرده فعالیتی یوقاری کیتماقده ایکن‌لیگینی کورسته‌دی دیدی.
نصرت جنابلری اوتگن کونگی(دوشنبه 4 حوت ده) سوداگر عیاللر قول صنعتی کورگوزمه سیده سوزلشردی، عیاللر قول صنعتی اوچون کورگوزمه‌لر یایش، عیاللر نینگ سوداگرلیک بولیم‌لریگه فعالیت قیلیش اوچون ظرفیت یوقاری ایلتیش اوچون ایشلرینی باشگن لیگینی بیان قیلدی.
عیاللر قول صنعتی کورگوزمه سیده 109 ته قول صنعتی بولیم‌لریگه فعالیت قیله دیگن ایکین‌چییلیک و قالین تولید قیله دیگن شرکت و انجمنلر قتنشگن ایدی. بوکورگوزمه اروپا اتحادیه سی، سوداگرلیک اتاقی و افغانستان سودگر عیال‌لری نینگ فدراسیونی یاردمی بیلن کابلده یولگه قویلگن ایدی.
سوداگر عیاللر قیین چیلیگی
سوداگرلیک و صنعتلر اجرایی بولیمی باشلیغی اولکه ده اقتصاد ساحه سیده حاضرهم عیاللر حقی آز بیریلگن دیدی.
نصرت جنابلری عیال‌لرنینگ اوزون و قیسقه پیتلیک قرضه‌لرگه انیق اورگنمه گنلیک‌لری باعث، اقتصادی بولیمده قول‌له نیش برنامه‌لری بولمه گنلیگی، عیاللر نینگ اقتصادی و تقرری پالیسی‌لرتدوینی‌گه بولمه گنلیگی و بولر رهبرلیگیده کیچیک سرمایه یاتقیزیش بولمه گنلیگی عیاللر توغری سیده بولگن توسیقلردن دیب عنوان قیله دی.
نصرت جنابلری‌گه کوره، باید حکومت عیاللر اوچون 10 ییلیک سوداگرلیک معافیت‌نی کوزگه توتسین.
اروپا اتحادیه سی نینگ افغانستان‌ده‌گی ایلچی‌سی فرانس میشل میلیبن، هم عیاللر اوچون سوداگرلیک و سرمایه یاتقیزیش توغری سیده قول‌لری ایتمه گن تا عیاللر سوداگرلیک بولیمیده کوپلب قیین چیلیک‌لربیلن یوزمه یوز بولسه دیدی.
میلیبن گه کوره اروپا اتحادیه سی افغانستانده سوداگر عیاللر ظرفیتی‌نی یوقاری ایلتیش اوچون اوز تیارگرلیگی‌نی کورستگن.
سوداگر عیاللر هم اوتمیش بیرییل‌ده سوداگرلیک فعالیت‌لری آزه‌یگنیدن شکایت قیله دیلر و سوداگرلیک توغری سیده بولگن قیین‌چیلیک‌لری اصلی دلیلی هم ناتینچلیکلر دیب بیله دیلر.
لعل بدخشان شرکتی باشلیغی نیلوفر فردوسی سلام وطندارگه ینگی نظام بیرینچی ییل‌لریده، اقتصادی فعالیت‌لر یخشی ایدی، ولی شو سونگی بیر ییلده ناتینچلیکلر کوپه یب بارگنلیگی سبب بازارلر تاخته تیلگن دیدی. بیگیم فردوسی، ناتیچ‌لیک‌لر عیال‌لرنینگ اقتصادی فعالیت‌لریگه توسیق چیگن دیب بیله‌دی.
مدینه مریم قول صنعتی شرکتی نینگ باشلیغی شیما شفق سادات، عیاللر نینگ مناسب پولی و بازاری بولمه گنلیگی دلیل سوداگرلیک توسیقلردن بیله‌دی.
خانم سادات گه کوره، بازاردن وام تاپیش اوچون بانک‌لرگه ملکیت حجتینی کورسه تیشلری کیره‌ک و قرضه بیره دیگن نهادلر حجت کورستمه گن صورتده هیچ کیم بولرگه یاردم بیرمسلیگی ممکن.
انه شوحالده سوداگر عیاللر دولت‌دن ایستیدلر بولر اقتصادی فعالیت‌لری توغری سیده توسیق چیقه دیگن کیشی‌لر آلدینی آلسین. دیمک سوداگر عیاللر سوداگرلیک فعالیت‌لرده بولرگه کوپراق حق بیریلیشی‌نی ایسته گن‌لر.
دولت هردایم سوداگر عیاللر فعالیت‌لری اوچون یخشی زمینه یره تیشی اوچون تلاش قیلگن‌لرینی ایتیه‌دی؛ اما هردایم سوداگر عیاللر بولر نینگ اقتصادی فعالیت‌لری توغری سیده توسیقلر باریلگیدن شکایت قیلماقده‌لر.
