بلخ ولایتی نینگ چهارکنت تومنی مسووللری نینگ ایتیشلریچه، طالبان جنگریلری اوتگن کیچه اوشبو تومن نینگ بیر قیشلاغی و مردمی کوچلر پوستهسی اوستیگه هجوم قیلگن.
چهارکنت تومنی ولسوالی سلیمه مزاری نینگ سلاموطندارگه ایتیشیچه، مذکور هجوم ده امنیتی کوچلردن 3 تهسی و 6 تینچ اهالی هلاک ایتیلگن. اونینگ کوپهیتیریشیچه، مردمی کوچلردن 3 تهسی و ایکی تینچ اهالی یرهلنگن.
خانم مزاری نینگ ایتیشیچه، بلخ ولایتی نینگ امنیتی مسووللری، اوشبو تومن امنیتی وضعیتیگه دقت قیلمهیدی.
بوتوغریده بلخ امنیتی مسووللری نینگ فکرینی آلیشگه موفق بولمهدیک، بیراق بلخ حاکمی سوزلاوچیسی منیراحمد فرهاد نینگ ایتیشیچه، حاضرده چهارکنت تومنی نینگ خوفسیزلیگی ملی اردو، ملی پولیس، ملی خوفسیزلیک و مردمی کوچلر تامانیدن تامین قیلینهدی.
طالبان گروهی حاضرگهقدر بوتوغریده صحبت قیلمهگن.
