مملکت ادبیاتچیلری و هنرمندلری شنبه کونی یازووچی-شاعر و ژورنالیست اسدالله عفیف باختری نینگ ایسلش مراسمینی اوتکزدیلر.
ییغین «کابل بیلیم یورتی» شعر مخلصلری تامانیدن یولگه قویلگن ایدی، عفیف باختری نینگ یازیب آلینگن سیسلی شعرلری دکلمهسینی نشر قیلیش، چیچک قوییش، شمع یاقیش، شعر اوقیش صحبت و استاد باختری نینگ شعرلریدن توزهتیلگن تصنیفلر موسیقهسی بیلن بولیب اوتدی.
عفیف باختری نینگ شعرلری افغانستان ایکی دوره زمانوی ادبیات باغلاوچیسی دییلهدی.
بیلیم یورت اوقیتوچیسی یامان حکمت تقیآبادی نینگ ایتیشیچه، افغانستان زمانوی شعری ایکی دوره گه اجرهتیلهدی، بیری عفیف باختریدن آلدین و ایکینچیسی باختریدن سونگ.
اونینگ اورغوله شیچه، عفیف باختری زمانوی موسیقه بولیمیده اورتهلیک فعال ایدی و بوتورغیده ینگیلیک کیلتیرگنلر جریانلی شاعرلر بولگن دیب بیلهدی.
اسدالله عفیف باختری 1341-ییل بلخ ولایتیده توغیلدی و مکتبنی توغیلگن ولایتیده اوقیب بیلیم یورتنی ایسه کابل ایکینچیلیک بیلیم یورتیده یکونلهتیدی.
تحصیلدن سونگ باختری اوقیتوچی، بلخ یازووچیلری انجمنی نینگ ملازمی، شمال حوزهسی نینگ فرهنگی و اجتماعی بولیم عمومی باشلیغی، بلخ ولایتیدهگی قیزیل حاج ادارهسی نینگ اجتماعی و فرهنگی مسؤولی، «جهان نو» نشریهسی باش محرری و «الف تا یا» آیلیگی مسؤول مدیری حیثیده ایشلهگن.
اسدالله عفیف باختری نینگ «سنگ ستاره»، «آوازهای خاکستری»، «من با زبان دریا»، «با یک پیاله چای چطوری عزیز من!» و «صد غزل» 5 ته شعرلر توپلم اثر قالدیرگن.
اون کون آلدین عفیف باختری 55 یاشده بلخ ولایتیده عالمدن اوتدی، اونی وفاتی مملکت بویلب ادبی بیر یوقهتیش ایدی.
