بغلان ولایتینینگ یشاوچیسی اسلامالدیننینگ عایله اعضاسی و قرینداشلری، بوگون سیلاولر شکایتلریگه تینگلش کمیسیونینینگ دروازهسینی برابریده توپلهنیب و مذکور کمیسیوندن نامزدلرنینگ دستلبکی رویخطیدن دلاور ایماقنینگ آتی چیقاریلیشینی سورهگنلر.
اولرنینگ ادعا قیلیشیچه، اسلامالدین 10 آی آلدین، بغلانده نشانلیسینینگ اویی گه تامان بارهیاتگن چاغیده، جناب ایماقنینگ قومندانلریدن بیری مجاهد جبار آرقهلی اولدیریلگن. حاضر اسلامالدیننینگ آنهسینی ایتیشیچه، دلاور ایماق ینه هم نمایندهلر کینگشی گه یول تاپگن صورتده، اونینگ زورهوانلیگی کوپهییب و اولر اوچون تیریکچیلیک قیین بولهدی.
عین حالده، دلاور ایماقنینگ سکرتری مسعود سعدنینگ سلاموطندارگه ایتیشیچه، اولر مجاهد جبار آتیگه هیچ بیر قومنداننی تانیمهیدیلر و بو جناب ایماقنینگ سیلاو رقیبلری تامانیدن بیر دسیسه دیر.
مسعود سعدگه کوره، بوندهی قضیهلرنی تیکشیریش سیلاولر شکایتلریگه تینگلش کمیسیونینینگ ایشی ایمس، بلکیم عدلی و قضایی ادارهلرگه تیگیشلی بولهدی.
اوشبو موضوع توغریسیده سیلاولر شکایتلریگه تینگلش کمیسیونیدن جواب آلیش اوچون بیزلرنینگ سعی و حرکتمیز نتیجهسیز قالدی. بیراق نیچه کون آلدین، مذکور کمیسیوننینگ اعلان قیلیشیچه، شکایتلرنی رویخطگه آلیش زمانی یکونلنگن.
