.jpg)
گلبدین حکمتیار رهبرلیگیده اسلامی حزب کیلیشی باره‌سیده نیچه آیدن بویان تلاشلر بالنگن ایدی. نیچه مرته مذاکره‌لر نتیجه بیرمه‌گن ایدی، اما کوپلب چینه اوریشلری بیلن بوگون اوشبو حزب دولت بیلن تینچلیک شرطنامه‌سیگه قول قویدی. بیراق اسلامی حزب نماینده‌لری بیلن حکومت شرطنامه‌گه قول قویش باره‌سیده مصروف بولگن بیرچاغ‌ده، کابل یشاوچی‌لریدن اونلرچه‌سی و ملی همبستگی حزبی اعضالری ناراضی‌لیک ییغین اوتکزیب گلبدین حکمتیارنی محکمه بولیشینی سوره‌دیلر.
اعتراضچی‌لرنینگ ایتیشلریچه، حکمتیارنی یره‌شیش اوچون مس؛ کابل‌ده محکمه بولیشی اوچون کیلتیریلیشینی کوترکنلر.
اولر «هیچ زمان کابل جلادینی کیچیرمیمیز» و «حکمتیارنی امیریکه کیچیرگن بولسه، هیچ زمان اهالی کیچیرمیدی» دیگن شعارلرنی بیریب ایتیشلریچه، اسلامی حزبنی تینچ‌لیککه قوشیلیشی و حکمتیارنی کابل کیلتیریشگه زمینه یره‌تیش «ینه بیر مرته افغانستان نابودلیک تامان باره‌دی.»
همبستگی حزبی سوزلاوچیسی سیلی غفارنینگ اوشبو ناراضی‌لیکده ایتیشیچه، افغانستانده خشونتلر پازلنی حکمتیار تکمیل قیله‌دی. خانم غفارنینگ کوپه‌یتیریشیچه، اسلامی حزب حامی‌لریدن بیری جهانی جامعه‌سی بولگن ایکن اوشبو تشکیلات مذکور حزبنی افغانستان تینچلیک لایحه‌سیگه قوشیلیشگه حرکت قیلمس‌لیگینی کوتمس‌لیک ایمس.
.jpg)
اعتراضچی‌لردن باشقه بیری مرسل امان نینگ ایتیشیچه، گلبدین حکمتیارنی کیچیریش حقی دولتگه ایمس بل بو حق اوز عزیزلرینی ایچکی اوروشلرده قولدن بیرگن شخصلر دن بولگن.
حکمتیار بیلن تینچلیک شرطنامه‌سیگه قول قویمسدن بیر ساعت آلدین اعتراضچیلر سرکلرگه توکیلیب بو حجتنی امضا بولمس‌لیگینی سوره‌دیلر.
ایلکبار گلبدین حکمتیار برهان الدین ربانی رهبرلیگیده ییگیت‌لر نهضتی ناملی حرکت عضوی بولگن، بیراق 1358 ده بو حزبدن اجره‌لیب اسلامی حزب نامیده ینگی بیر تشکیلات قوره‌دی. افغانستان جهادی اوچون کیله‌دیگن یاردم‌لرنی بیرینچی ییل‌لرده اسلامی حزب اوزیگه قره‌تدی.
داکتر نجیب دولتی تونتریلیشی‌دن سونگ حکمتیار 1371 ییلده کابل کیلدی و اوندن کیین پشاور شرطنامه‌سی اساسیده برهان الدین ربانی آلتی آیدن کیین قدرتدن چیکینمه‌دی، بو قدرتدن توشمسلیک کوتیلمه‌گن حرکت جهادی حزب‌لر اینیقسه اسلامی حزب بیلن ربانی ارا قرمه قرشیلیکلرشدتله‌نیب حکمتیار بیلن قرشی حزب‌لر ارا کابل چهار آسیابیده دولت بیلن اوروشنی دوام بیردی.
حزبی اوروشلر شدتلنیشی کابل یشاوچی‌لریدن مینگلرچه گناه‌سیز انسانلر اولیمی‌گه سبب بولدی.
