اجرایه رییس عبدالله وايي، چې دوی په تېر یو کال کې د یو شمېر ستونزو سره سربېره لاسته راوړنې هم لري.
عبدالله نن د (سپټامبر په ۱۴مه) د وزیرانو شورا په ناسته کې وویل، ناامني پر هېواد والو تحمل شوې ده او دغه کار د دې لامل شوی، چې راتلونکي ته ناهیلې وي.
نوموړي همدا ډول وویل، سختې ورځې تېرې شوي دي او دمګړۍ د ملي یووالي حکومت د اسانو ورځو پر لور د ګام اخیستو په حال کې دی.
له دې وړاندې داسې راپورنه خپاره شوي وو، چې یو شمېر د موقت حکومت د جوړېدو په لټه کې دي.
اجرایه رییس په دې اړه ټولې خپرې شوې اوازې او ګونګسې رد کړې او زیاته یې کړه، چې په دې اړه په هېواد کې د ننه او له هېواد بهر هیڅ ډول پروګرام نه دی طرح شوی.
ده وویل، د موقت حکومت جوړول د حل لاره نه ده او یواځېنۍ حل لاره د لازیات فعالیتونه کول دي.
عبدالله ټینګار وکړ، څرنګه چې سیاسي بهیر تېرو ۱۴ کلونو کې د خلکو د رایو پر بنسټ پېل شوی وو، همداسې به دوام وکړي.
اجرایه رییس د پراختیایي بودیجې د لګښت په برخه کې نیوکه وکړه، زیاته کړه، چې په راوان کال کې تر اوسه پورې یواځې ۲۰ سنله پراختیايي پروژلې پلې شوي دي او دغه کار د خلکو له پاره د منلو وړ نه دی.
د راپورونو پر بنسټ د ملي یووالي حکومت له پېله د ۹ مالي میاشتو په تېرېدو سره په دې نه دې توانېدلی، چې پراختیايي بودیجه مصرف کړي.
