بوگون 19 یشر آزاده سرپل ولایتی کوهستان تومنی نینگ بیدستان قیشلاقی‌ده اویدن قاچیش‌گه عیبلنیب طالب‌لر تامانیدن اوقگه بیریلدی.
سرپل والیسی نینگ سوزلاوچیسی ذبیح‌الله امانی نینگ ایتیشیچه، نیچه پیت آلدین بو ییگیت قیز ایری عایله‌سی تامانیدن کورگن خشونت‌لر و کلت‌کلنیشلر باعث سرپل مرکزیگه قاچیب کیلگن ایکن و نیچه مدت تینچ اویده حیات کیچیرگن. امانی‌گه کوره، ایکی کون آلدین آزاده نینگ ایناغه‌سی تضمین قیلیشی بیلن تینچ اویدن چیقاریلگن، اما بوگون توپده اونی طالب‌لر اوق بیلن آتیب اولدیرگن.
سرپل سوزلاوچیسی نینگ ایتیشیچه، بو عیال نینگ آلتی آلیک گمانده باله‌سی هم بار ایکن.
حاضرگه قدر بو باره‌ده طالب‌لر بیرنرسه دیمه‌گن.
آزاده اوقگه بیریلیشی بیلن جوزجانده 27 یاشر قیز آته‌سی قولیده پیچاق بیلن اولدیریلگن.
جوزجان والیسی نینگ سوزلاوچیسی محمدرضا غفوری نینگ ایتیشیچه، بو کریمه ناملی قیز جسدی شبرغان شهری خیرخانه قیشلاقیدن تاپیلگن.
جناب غفوریگه کوره، قاتل قولگه آلینگن و تیرگاو باشله نیب حادثه دلیلینی اورگنماقدهلر.
