بوگون "چهارشنبه" هرات یشاوچیلریدن اونلرچهسی، ولایت بناسی برابریده توپلهنیب و حکومتدن اوشبو ولایت بلدیه باشلیغینی چیکلنتیریشینی سورهگنلر.
اعتراضچیلر، هرات بلدیه باشلیغینی ظرفیتسیز و ایش سیزلیک و اهالی آرهسیده اتفاق سیزلیک تشلشگه عیبلگنلر.
اولرنینگ، بلدیه باشلیغیگه قرشی شعار بیریب ایتیشیچه، بلدیه باشلیغی ایشیدن چیکلنتیریلمهگن صورتده، بلدیه ایشیگینی باغلهیدیلر.
اولرنینگ کوپهیتیریشیچه، بلدیه باشلیغینی اتفاق سیزلیک تشلش اورنیده، بلدیه ایشلریگه دقت قیلیب و شهر جادهلرینی قوریش اوچون سعی و حرکت قیلیشی کیرهک.
عینحالده، هرات حاکمینی سوزلاوچیسی جیلانی فرهادنینگ ایتیشیچه، هرات حاکمی، اعتراضچیلر نمایندهلری بیلن صحبت قیلیب و کیلهجک بیر هفته جریانیده اوشبو قیینچیلیکنی حل ایتیلیشیدن اطمینان بیرگن.
.jpg)
اونینگ کوپهیتیریشیچه، اوشبو قیینچیلیکنی جدی صورتده، تیکشیریلیب و مرکزی مسووللر هماهنگلیگی بیلن حل ایتیلیشی خصوصیده محلی ادارهنینگ جدی ارادهسی بار.
بو توغریده بلدیه مسووللری فکرینی آلیش اوچون سعی و حرکت قیلدیک؛ بیراق هرات بلدیه باشلیغی محمد داوود انورینینگ ژورنالیستلرگه ایتیشیچه، بو توغریده صحبت قیلیشنی ایستمهیدی.
هرات یشاوچیلری، مدنی فعاللری و ولایتی کینگش اعضالری بوندن آلدین هم نیچه مرته اوشبو ولایت بلدیه باشلیغیگه قرشی اعتراض قیلگنلر.
