.jpg)
کابلده اوقووچیلرعایلهلریدن بیرقطارینینگ دولت مکتبلریده عایلهوی یغیین بولمهگنیدن تنقید قیلیب ایتیشیلریچه، فرزندلرینینگ درسلریدن معلوماتی بولمی و مکتبلر مسووللری بیلن رابطهلری یوق دیر.
کابل یشاوچیلریدن بیری خانم سمیرانینگ ایتیشیچه، فرزندنینگ درس و مشقی دن خبری یوق؛ چونکه مکتبلرده اوقووچیلرعایلهلری بیلن یغیین یولگه قویلمیدی. سمیرانینگ ایتیشیچه، حتا مکتب رسمیلرینینگ تیلفون رقمی اولرنینگ یانیده یوق. اونینگ ایتیشیچه، اوقیتووچیلردن بیرقطارینینگ تیلفون رقمی نی اوقووچیلر عایلهلریگه بیریش اوچون اجازهسی یوق و باشقه بیرقطاری ایسه اوقووچیلرگه اعتماد قیلمیدی.
اوشبو عایلهلر، معارف وزیرلیگیدن مذکور قیینچلیکلرنی حل ایتیش اوچون سعی و حرکت قیلیشی نی سوریدیلر.
بیراق خصوصی مکتبلرده وضعیت فرقلی، اوشبو مکتبلردن بیرقطاریگه هر آی ده عایلهوی یغیین یولگه قویلهدی.
کابل شهریده خصوصی مکتبلردن بیرینینگ مدیری یاسین ظفرینینگ ایتیشیچه، هر آی ده اوقووچیلر عایلهلری بیلن یغیین یولگه قویلهدی و اوشبو یغیین دن مقصد مکتب محیطی و اوی فضاسینینگ هماهنگ قیلیش دیر.
بیراق خصوصی مکتبلرده تعلیمات کوره دیگن بالهلرنینگ آنه و آتهلرینینگ ایتیشیچه، خصوصی مکتبلرده اوقووچیلر عایلهلری بیلن یولگه قویلهدیگن یغیینلر مسوولیت نی تن آلیش اوچون یولگه قویلمیدی بلکیم اولر دن آلینهدیگن پول اوچون یولگه قویلهدی .
.jpg)
معارف وزیرلیگینینگ اورین باسری سردار محمدرحیمینینگ ایتیشیچه، افغانستان معارف نظامی ده عایلهوی کینگش و مکتبلر کینگشی موجود دیر و اوشبو کینگش لرنی قوریش دن مقصد معارف کیفیتی نی یوقاری ایلتیش دیر. بیراق جناب رحیمی گه کوره، کوپینچه مکتبلرده اوشبو توغریده توجه ایتیلمیدی.
دولت و خلقارا همکارلیک قیلهدیگنلر تامانیدن مملکت معارف بولیمیده کوپینچه همکارلیک بولگن بیرحالده هم اوشبو بولیمده بیرقطار قیینچلیکلر موجود دیر.
