ملا اختر محمد منصورنینگ سیسلی پیامی‌گه کوره، کویته کینگشی ایچکی قره‌مه قرشی لیک‌لری جدی بولگن. ملا منصور اوزی‌نینگ ملامحمد عمر وارثی بیله‌دی، او بیر سیسلی پیام آرقه‌لی قوراللی طالب‌لر گروهی قوماندان‌لری و قوراللی شخصلردن بیرلیک‌لرینی سقلشی‌نی سوره‌گن. اخترمحمد منصورنینگ بوتون پیامی شو موضوع دیر. اونینگ مخاطب‌لری‌گه ایتیشیچه، طالب‌لر توزومی اوزیلمس‌لیگی کیره‌ک. اختر منصورگه کوره، طالب‌لرنینگ دشمن‌لری، اولرنینگ کوچ‌سیزلیک قیلیشی اوچون سعی و حرکت قیله‌دی، بیراق طالب‌لر، دشمن‌لرینی مقصدی‌گه ایریشیش‌گه رخصت بیرمه‌یدی.
ملاعمر اولیمی معلوم بولگن صورتده، طالب‌لر کمیده ایکی گروه‌گه اجره‌لیشی بیللی ایدی. طالب‌لر اورته‌سیده‌گی ایچکی قره‌مه قرشی‌لیک‌لر، ملاعمر اولیمی‌دن آلدین یاشیرین قالمه‌گن، بیراق حاضر بو قره‌مه قرشی‌لیک‌لر جدی بولگن و ملا منصور سونگی پیامی‌ده اونی آچیق لگن. کورینیشیچه، ملاعمر اولیمی‌نینگ یاشیرین سقلش دلیلی قوراللی طالب‌لر گروهی تشکیلات بیرلیگینی سقلش بولگن. پاکستان امنیت اداره‌لریده طالب‌لر طرفداری ملاعمر اولیمی معلوم بولگن صورتده، طالب‌لر بیرلیگی اورته‌دن کیتیشی‌نی بیلر ایکن.
ملاعمر اولیمی‌نی یاشیرین سقلش اختر منصورنینگ کوچلنیشی و طالب‌لرنینگ رهبری صفتیده تعیین لنیشی‌گه سبب بولگن. ملا منصور طالب‌لرنینگ سابق رهبری ملاعمر بیلن علاقه‌ده بولگنی‌نی بیلدیرگن. او بو ادعاسی بیلن اوز منفعتی‌نی ایزلب و تشکیلات ایچیده‌گی رقیب‌لری‌نی اوز جای‌لریده اسره‌ش بولگن. بو وضعیت ملا منصور رقیب‌لری‌نینگ جدی قرشی‌لیگی‌گه روپه‌ره بولدی. استخبارات منبع‌لرنینگ ایتیشیچه، اوتکن ییل طالب‌لر جنگی قوماندان‌لریدن کوپینچه‌سی ملا منصوردن طالب‌لر رهبری ملاعمر بیلن اوچره‌شیش‌گه زمینه یره‌تیشی‌نی سوره گن ، بیراق او بو ایستک‌لریدن واز کیچگن.
بو موضوع ملاعمر اولیمی توغری‌سیده‌گی شبهه‌لرنی کوپه‌یتیردی. طالب‌لر بیرلیگی اوزبیکستان‌لیک جنگری‌لرنینگ نیچه آی آلدین بیر خبرنامه‌ده ایتیشیچه، اورنک‌لرگه کوره، ملا عمر تیریک ایمس دیر. اوندن کیین محاذ فدایی، ملا منصورنینگ ملاعمر اولیمی‌گه عیب لنگن ایدی. بولردن کیین افغانستان دولتی ملاعمر اولیمی‌دن خبر بیردی و اختر منصور اوچون تصدیق‌لش‌دن باشقه یول قالمه‌دی.
ملاعمر اولیمی تصدیق‌لنیشی و اونینگ اورنی‌ده ملا اخترمحمد منصورنی تعیین‌لنیشی طالب‌لر اورته‌سیده‌گی قره‌مه قرشی‌لیک‌لرنی میدیاگه چیقردی. ملاعمر حاکمیتی‌ده قندهار والیسی ملامحمدحسن رحمانی‌نینگ شمشاد تلویزیونی بیلن اوتکزگن صحبتیده ایتیشیچه، طالب‌لر کینگشی کوپینچه اعضاسی، ملا منصورنی ایستمه‌یدی. بی بی سی اوز منبع‌لریدن نقل قیلیب خبر بیریشیچه، ملامنصور تشکیلاتی‌ده‌گی قرشی‌لر، ملا عبدالمنان نیازی‌نینگ سوزلاوچی‌لری صفتیده تعین قیلگن. ملا نیازی‌گه کوره، طالب‌لر کینگشی تیزلیکده ملاعمر اورنی‌گه باشقه کیشی تعیین‌لش اوچون ییغین تشکیل بیره‌دی.
کویته کینگشی‌ده‌گی قره‌مه قرشی‌لیک‌لر، یالغیز فردی قره‌مه قرشی‌لیک ایمس. کویته کینگشی هر بیر رهبری افغانستان جنوبی‌ده خاص قوم‌گه باغلیق بولگن. بو قوم‌لر هر بیر وضعیت‌ده مذکور کیشی‌لردن حمایت قیله‌دی، مثال اوله‌راق، ملا اختر محمد منصور، اسحاق‌زی قومی‌گه باغلیق.
محاذ فدایی گروهی ملانجیب کاکر قومی‌گه باغلیق، ملا بازمحمد، نورزی و ملاعمر ایناغه‌سی ملا عبدالمنان هوتکی دیر. طالب‌لر کینگشی قره‌مه قرشی‌لیگی حقیقت‌ده قومی قیین‌چیلیک‌لر بوله آله‌دی. باشقه بیر جهت‌دن قره‌گنده طالب‌لر گروهی اورته‌سیده‌گی قره‌مه قرشی‌لیک‌لر، قومی‌هم دییله‌دی. ملا منصور اوز تشکیلاتی ایچیده‌گی قرشی‌لری تامانیدن طالب‌لر صفی‌گه اوز قومی‌نی یوکسلتیریش‌گه عیب‌لنگن.
کویته کینگشی بیرقطار اعضاسی ملاعمر اورنی‌گه کیشی تعیین‌لنیشی‌نی عایله‌وی حق دیب بیله‌دی. کویته کینگشی اعضالری‌گه کوره، طالب‌لرنینگ برچه رهبری، ملاعمر اوغلی مولوی محمد یعقوب اطرافیده توپله‌نیشی کیره‌ک. پاکستان‌لیک منبع‌لردن بیرقطاری‌نینگ ایتیشیچه، مولوی یعقوب‌نینگ ایشانچی‌گه کوره، آته‌سی شهید بولگن. بوسوزنی اساسی‌گه قره‌گنده، ملاعمر طبیعی شکلده اولمه‌گن، بلکیم بیران کیشی اونی اولدیرگن.
بو واقعیت‌لرگه قره‌گنده، طالب‌لرهم افغانستان سیاسی تشکیلات‌لری دیک، رهبرلری اولگنی‌دن کیین بیرلیک‌لرینی سقله آلمه‌گن. حقیقت‌ده حاضرگه قدر افغانستان‌ده هیچ بیر سیاسی تشکیلات بیرلیگینی سقله آلمه‌گن. طالب‌لرهم رهبرسیزلیک‌که روپه‌ره بولگن و ملا منصورنینگ قانونی صورتده قبول ایتمه‌یدی‌لر. کوپینچه‌لر، طالب‌لرنینگ نیچه بولیم‌گه اوزگریشی‌نی ایجابی دیب بیلمه‌یدی. اولرنینگ ایتیشیچه، بوندن کیین دولت، قوراللی طالب‌لر گروهی بیلن مذاکره اوتکزیش خصوصیده، اولرنینگ بیرلیگینی سقلش‌گه سعی و حرکت قیلیشی لازم.
بیراق باشقه بیرقطارلرنینگ ایشانچی‌گه کوره، طالب‌لرنینگ نیچه بولیم‌گه اوزگریشی افغانستان توزومی و دولت منفعتی‌گه بوله‌دی. اولرگه کوره، بولک‌لر بیلن مذاکره اوتکزیش کابل‌گه هیچ بیر زیان ییتکیزمه‌یدی، بلکیم افغانستان دولتی اوچون یخشی زمینه یره‌ته‌دی.
