سلاموطندارگه صحبت بیرگن گذرگاه نور ولسوالی عبدالحنان اندرابی نینگ ایتیشیچه، اوتگن کیچه طالبان گروهی نیچه تاماندن گذرگاه نور تومنی نینگ مرکزی گه هجوم قیلگن.
اونگه کوره، بو آتیشمهده طالبان گذرگاه نور تومنی نینگ پولیس قومندانلیگی نی اوت بیرگن و نیچه عراده حربی نقلیه واسطهنی هم بوزیب تشلهگن.
گذرگاه نور ولسوالی نینگ کوپهیتیریشیچه، شونینگ بو آتیشمهده بیر پولیس عسکر طالبان تامانیدن اسیر آلینگن و باشقه 2 عسکر یرهلنگن.
جناب اندرابی نینگ ایتیشیچه، بوگون ایرتهلب مردمی کوچلرنینگ همکارلیگی بیلن پولیس کوچلری گذرگاه نور پولیس قومندانلیگی نی قیتهدن نظارت گه آلگن و طالبان جنگریلری ولسواللیک بناسینی اطرافی گه آرقه گه چیکیلگن.
آتی فاش ایتیلیشینی ایستمهگن امنیتی بیر منبع نینگ سلاموطندارگه ایتیشیچه، اوتگن کیچه آتیشمهلری نتیجهسیده طالبان جنگریلری پلخمری شهری نینگ حسینخیل و خلازیی بولیملریده 6 پوسته و مرکزی بغلان تومنیده باشقه 4 پوستهنی نظارت گه آلیب و مرکزی بغلان تومنی گه یقینلشگن.
اوشبو آتیشمهلر جریانیده، بوگون ایرتهلب ملی مدافعه وزیرلیگینینگ نامزدی اسدالله خالد، ایچکی ایشلر وزیرلیگی نینگ نامزدی مسعود اندرابی و امنیتی رسمیلردن بیرقاری، بغلان ولایتی نینگ خوفسیزلیک وضعیتینی تیکشیریش اوچون پلخمری شهری گه باریشگن.
بیراق، بغلان محلی مسؤوللری نینگ ایتیشیچه، امنیتی کوچلر گذرگاه تومنی نینگ ولسواللیک بِناسینی قیتهدن نظارت گه آلگن و تیزلیککه بو ولایتده طالبان جنگریلرینی قتهغن قیلیش اوچون حربی عملیات یولگه قوییلهدی.
شو توغریده…
بغلانده آتیشمهلر دوام ایتماقده؛ حاضرگچه 90 دن آرتیق کیشی هلاک و یرهلنگن
