.jpg)
بوگون «پنجشنبه» کابلده اوتکزیلگن بیر ییغینده مملکت سیاسی سیمالریدن بیرقطاری‌نینگ ایتیشیچه، طالبان گروهی بیلن اوتکزیلگن تینچلیک سوزلشوولریده ترقیات یوز بیرگن و بو سعی و حرکت‌لر نتیجه بیریشی توغریسیده امیدوارلیک‌لر کوپ دیر.
کابلده یولگه قوییلگن ملی کیلیشوودهگی کیلهجک تینچلیک نامیده بولگن ییغینده نطق سوزلهگن تینچلیک و برقرارلیکنی تأمینلش کینگش اعضاسی محمدعمر داوودزینینگ ایتیشیچه، حکومت و طالب‌لر آرهسیده بولگن تینچلیک مذاکره آرقهلی، مملکتده تینچلیک تامین‌لنیشی خصوصیده امیدوارلیک‌لر کوپهیگن.
جناب داوودزی، امریکانینگ افغانستان بویچه خاص نمایندهسی زلمی خلیلزادنینگ سعی و حرکتینی خوش قرشیلهگن؛ او تینچلیک مذاکرهسی خصوصیده حکومتنینگ مملکت یشاوچیلری بیلن مصحلت قیلیشی کیره‌ک دیدی.
داوودزینینگ معلوماتیگه کوره، حکومت و طالبان گروهی آرهسیده تینچلیک میثاقی آتیده بیر کیلشوونامهنینگ امضا ایتیلیش قراری آلینگن.
اوشبو سیاسی فعالنینگ ایتیشیچه، ملی بیرلیک حکومتی مملکت یشاوچیلریدن نمایندهلیک قیلیب اوشبو اهمیتلی کیلشوونامهنی امضا قیلیش حالتگه ایمس.
.jpg)
عینحالده، ملی خوفسیزلیک کینگشی‌نینگ سابق مصلحتچیسی رنگین دادفر اسپنتانینگ ایتیشیچه، مملکت یشاوچیلری تینچلیک تامین ایتیلیشینی ایستهیدیلر؛ بیراق افغانستاننینگ قیسی یول بیلن تینچلیککه قول تاپیشی خصوصیده تارتشولر بار.
جناب اسپنتا گه کوره، امریکا و طالب‌لر آرهسیده، مذاکره صورت تاپگن و افغانستان یشاوچیلرینی بو توغریده معلومات تاپیشی کیره‌ک.
بوگون "پنجشنبه" تینچلیک عالی کینگشی‌نینگ 4 کیشیلیک بیر هیأتی مسکو ییغینیگه اشتراک قیلیش اوچون اوشبو مملکتگه سفر قیلگن بیر چاغده بو صحبتلر اورتهگه چیقگن.
