11-حمل، کابل بانک قضیهسینی تیکشیرووچی کمیسیون اعضالری جمهور رییس غنی بیلن اوچرهشیب ملاقات قیلگنلر. ملاقاتده، کمیسیون اعضالری کابل بانک قرضدارلریدن آلتی کیشی مذکور ادارهگه مراجعه قیلیب، 72 میلیون امریکالیک دالردن عبارت قرضلرینی تولشدن سوز بیرگنلیگینی جمهور رییسگه معلوم قیلگنلر.
مملکت جمهور رییسلیک سراییده اوتکزیلگن اوشبو اوچره شووده، کابل بانک قضیه سینی تیشیریش اوچون تعین ایتیلگن کمیسیون اعضالری هر بیری اوز ایش فعالیتلری خصوصیده جمهور ریسگه گزارش بیرگنلر.
جمهور رییس غنی نینگ اوشبو کمیسیون اعضالریگه ایتیشیچه، بو توغریده آچیق بیر طرزالعمل ایجاد ایتب، کابینه مساله سی تصدیق لنگندن سونگ، قرضلر اوشبو طرزالعملگه موافق ییغیلسین.
شونینگدیک مملکت رهبری، افغانستان اوچله عالی محکمه سی کابل بانک دوسیه سی اوستیده ایشلرینی جدی بجرگنلیکلری سینگیری، مسؤوللرهم عالی محکمه قرارینی عملگه آشیریب تاپشیریلگن ایشنی تطبیق ایتیشلری کیرهک.
سابق جمهور رییس حامد کرزی حاکمیتیده، کابل بانگ نینگ پوللری اوشبو بانک شریکلری آرقهلی چیت ایلگه چیقاریلیشی سبب کابل بانکنی شکستگه روپهره قیلدی.
افغانستان جمهور رییسی ایتیب تعین لنگن جمهور رییس محمد اشرف غنی، حاکمیتنی قولگه آلیشی بیلن کابل بانک دوسیه سی قیتهدن تیکشیریلشی توغری سیده فرمان صادر قیلدی.
معلوماتلرگه قرهگنده کابل بانک نینگ یوقالگن توپلم پوللریدن 175 میلیون دالری قولگه کیرتیلگن. لیکن، مذکور بانک نینگ 807 میلیون امریکالیک دالری هنوز هم درک سیز یوقالماقده.
