اوتکن (دوشنبه کون) طالب‌لر بغلان ولایتی تاله‌وبرفک تومنی دان‌ایستمه قیشلاغی‌ده بیرمکتب‌نی یاندیرگنی‌دن کیین، اوشبو تومن یشاوچی‌لریدن 70 ته‌سینی دُره اورگن. ایتیلیشیچه، دُره ییگن‌لرنی برچه‌سی شیعه مذهب ایکن.
دان‌ایستمه قیشلاغی قوم بویوک‌لریدن بیری ارباب بسم‌الله‌نینگ سلام‌وطندارگه ایتیشیچه، مذکور 70 کیشی، طالب‌لرنینگ تانیقلی قومندانلریدن بیری ملا نصرالله حکمی بیلن دُره ییگن‌لر.
بغلان ولایتی تاله‌وبرفک تومنی ولسوالی فیض محمد امیری، مذکور تومن‌ده مکتب یاندیریلگنی و یشاوچی‌لری‌نینگ دُره ییگنینی تأیید قیلگن، بیراق قضیه‌نی اوشبو تومن‌ده مذهبی قره‌مه قرشی‌لیک‌لرگه قول اوره‌دیگن تشکیلات‌لرگه نسبت بیره‌دی. جناب امیری‌نینگ ایتیشیچه، حاضر بو قضیه قوم بویوک لریدن بیرقطاری‌نینگ اورته‌گه توشیشی بیلن حل بولگن.
شونینگ‌دیک، انچه پیت آلدین بغلان ولایتی مرکزی دندغوری منطقه‌سیده، 9 مسجد ناتانیش کیشی‌لر تامانیدن یاندیریلگن ایدی و انچه پیت اوتکن‌دن کیین، طالب‌لر بیر روحی کسل‌لیگی بار کیشی‌نینگ مسجدلرنی اوتکه یاندیریش‌گه عیب‌لب آتیب اولدیرگن.
