فاریاب ولایتی کینگش اورین باسری صبغتالله سیلابنینگ ایتیشیچه، چیناییلر آتیگه تانیلگن کمپده طالبان قمرویگه قالگن امنیتی کوچلر، حمایت بولمهگنی باعث، طالبان گروهیگه تسلیم بولگنلر.
فاریاب ولایتی کینگش اورین باسریگه کوره، امریکا جمهور باشلیغینینگ اوزاقده بولگن ساحهلرنی طالبلرگه تاپشیریش خصوصیده آلگن قراری باعث مرکزی حکومت غورماچ تومنده طالبلر گمرویگه قالگن امنیتی کوچلرنی قورتهریش اوچون دقت قیلمهگن.
چیناییلر کمپیده قمروگه قالگن عسکرلر، حکومتنینگ دقت سیزلیگیدن تنقید قیلیب و قانلریگه قرشی معامله صورت تاپگن دیدیلر.
اوشبو عسکرلرنینگ ایتیشیچه، چیناییلر کمپی سقوط قیلیش بیلن غورماچ مرکزیده ملی اوردو 6- کندکی جدی خطر بیلن روپهره بولگن.
عینحالده، کیملیگی سیر قالیشنی ایستهگن بیر منبعنینگ سلاموطندارگه ایتیشیچه، طالبان گروهی 6- کندککه قمروگه قالگن حربیلرنی گاهلنتیریب و بوگون "سهشنبه" ساعت 10 گچه تسلیم بولیشلرینی سورهگن؛ بیراق قمروگه قالگن عسکرلر بوگون آقشام ساعت 4 گهقدر مهلت ایستهگن.
فاریاب ولایتی غورماچ تومنیده بولگن چیناییلر کمپی نیچه آیدن بویان طالبان گروهینینگ تهدید آستیگه قرار تاپگن ایدی؛ بیراق تهدیدلردن سونگ اوشبو گروه نظارتی گه کیرگن.
