شنبه کون یوز بیرگن هجوم کوپینچه‌نینگ جانی‌نی آلدی و کوپینچه‌نی هم یره‌لنتیردی. بیراق، بیرقطاری درک‌سیز یوقالگن و بیرقطاری‌نینگ کیم‌لیگی حاضرگچه معلوم بولمه‌گن.
باشکینت کسلخانه‌لریده تینیم‌سیز کوتیب تورگن عایله‌لردن بیرقطاری‌نینگ ایتیشیچه، شنبه کون یوز بیرگن هجوم‌دن سونگ، عزیزلریدن هیچ اَثر تاپیلمه‌گن.
تورت یوز بسترلیک کسلخانه گه ایناغه‌سی‌نینگ اولیمی و تیریکلیگیدن اورنک تاپیش اوچون کیلگن جمیله مهمندنینگ ایتیشیچه، ایناغه‌سی درک‌سیز یوقالگن و اوندن هیچ بیر اورنک تاپمه‌گن. جمیله‌نینگ ایتیشیچه، «ایناغم هلاک ایتیلگن‌لر و یره‌لنگن‌لرنینگ ایچیده یوق دیر.»
.jpg)
پنجشیر ولایتی‌دن ایمرجنسی کسلخانه‌سیگه کیلگن سلیم‌نینگ ایتیشیچه، ایناغه‌سی خالد شنبه کون توش‌دن سونگ یوقالگن و او، شهرده بولگن برچه کسلخانه‌لرگه باش اورگن، بیراق ایناغه‌سیدن هیچ بیر اَثر تاپمه‌گن.
بامیاندن کابل‌گه کیلگن وحیدنینگ ایتیشیچه، واقعه یوز بیرگن محل یقینی و انتیک ساتووچی کوچه‌ده قول ساتووچیلیک قیله‌دیگن ایناغه‌سیدن هیچ اَثر تاپمه‌گن. او، دولت‌دن هیچ بولمه‌گنده ایناغه‌سیدن بیر نشانه تاپیب بیریشینی سوره‌یدی.
سردارمحمد داوودخان کسلخانه‌سی‌نینگ موزخانه‌سیده باشقه تورت جسد کورینه‌دی و اوشبو کسلخانه مسؤوللریگه کوره، بو تورت جسدنی کیم‌لیگی بیللی بولمه‌گن و کیم‌سه هم آرقه‌سیدن کیلمه‌گن.
اوتگن شنبه کون یوز بیرگن هجوم‌ده یوز دن آرتیق کیشی هلاک و کمیده 240 کیشی یره‌لنگن. اوشبو واقعه مسؤولیتی‌نی طالب‌لر بوینیگه آلگن.
