کونی کیچه ساعت 1:25 دقیقه کابل شهری 9- حوزهسی نینگ ینگی سرک منطقهسیده ییرلشگن نارت گیت مهمانخانهسی حمایوی دیواریده پارتلش ماده دن تولدیریلگن موترنی توقنشتیردی و کیین خودکش هجومچیلردن ایکیتهسی مهمانخانه تامان هجوم قیلگن، لیکن امنیتی کوچلر تامانیدن مهمانخانه گه کیریش رخصتی بیریلمهگن.
کابل پولیس باشلیغی عبدالرحمان رحیمی نینگ ایتیشیچه، حادثهده امنیتی کوچلردن بیرکیشی خودکش هجومچی شخصلرنی مهمانخانه گه کیریش رخصتینی بیرمه گنلیگی دلیل هلاک بولگن و باشقه اوچ کیشی هم یرهلنگن.
کابل پولیس باشلیغی نینگ معلوم قیلیشیچه، تینچ اهالی ضرر کورمسلیکلرینی نظرده توتیب ایرتهلب ساعت 3 ده عملیات باشلب هجومچیلرنی نابود قیلگنلر.
هجوم مسؤولیتینی طالبلر اوز ذمهسیگه آلگن و ایتیشلریچه، هجومچی شخصلر آغیر یینگیل قوراللر بیلن جهازلنگن ایکن.
اوشبوگروه مهمانخانهدهگیلرگه آغیر تلفات ییتکزگنلیگینی معلوم قیلگن. مذکور هجوم عمری عملیاتگه شامل موضوعلردن ایکن.
طالبلر 1395 ییل 24 حمل اعلامیه صادر قیلیشلری بیلن یازلیک هجوملری «عمری» نامیده بولیشیدن خبر بیرگن ایدیلر. اعلامیهده طالبلر باشلیغلری اوروش جریانیده تینچ اهالیگه ضرر ایتکزمسلیک بویروغینی بیرگن ایدی، اما گزارشلرگه کوره، طالبلرنینگ هجوملریگه قربان بولهدیگنلردن کوپیسی تینچ اهالی بولگن.
