قندوز ولایتی قلعهزال تومنینینگ بازاری و مذکور تومن 86 قیشلاقی طالبان نظارتیگه کیرگن.
سلاموطندارگه صحبت بیرگن قندوز ولایت کینگش اعضاسی سیداسدالله ساداتنینگ ایتیشیچه، طالبان گروهی بوگون یرتهلب ساعت 3 اطرافیده قلعهزال تومنینینگ مرکزی و آقتپه قیشلاغیده هجوم ایتیب نتیجه ده اوشبو تومن مرکزی و86 قیشلاقنی اوزی تصرف لریگه آلگن لر.
جناب ساداتنینگ ایتیشیچه، آقتپه بازاریده پولیس پوستهلریدن بیری طالبان تامانیدن اوتکه تارتیلگن و مذکور تومن اداری واحدلرینینگ یقین لریده خوفسیزلیک کوچلری و طالبان آرهسیده توقنشوو لرنینگ دوامی بار.
قندز ولایتی کینگش اوشبو اعضاسینینگ ایتیشیچه، کمکی کوچلر یوباریلمگن حالده مذکور تومن امنیه قومندانلیگی و تومن بیناسی طالبان نظارتیگه اوتهدی .
طالبان گروهی حاضرگچه اوشبو توغریده معلومات بیرگن ایمس.
بیراق قندوز امنیه قومندانی جنرال حمیدالله حمیدینینگ اوشبو سوزلرنی رد قیلیب ایتیشیچه، امنیتی کوچلردن کوپینچه سی آقتپه بازاریده یرلشگن لر و اوشبو تومن طالبان نظارتی گه اوتمیدی.
