قندوز ولایتی‌نینگ بیر قنچه ایکینچی‌لری همده ولایتی کینگش نماینده‌لری، قورال‌لی طالبلر ولایت‌نینگ ایکینچی‌لریگه بو ییل قاوون و تربوز ایکمس‌لیک‌لرینی ایتگن‌لر دیگن‌لر. طالب‌لرگه کوره، بو ییل اوشبو ولایت‌ده آغیر اوروش یوزبیریشی سبب دهقانلر محصولات‌لرینی قول‌گه کیریلته آلمیدیلر.
طالبلر، ایکینچیلرگه قاوون و تربوز ایککن تقدیرده اوروش‌لر باعث محصولات قول‌گه کیریته آلمه‌گن حالده، مسوولیت ایکینچی‌لر ذمه‌سی‌گه دیگن.
قندز شهری چله‌مزار قیشلاغی‌نینگ یشاووچی‌لردن بیری ایکینچی ننگیالی، ایکینچی‌لرنینگ حیاتی منه شوو قاوون و تربوزگه تیگیشلی دیگن؛ لیکن، طالبلر ایکینیچی‌لرنی بو ییل زراعت قیلمسلیک‌لری اوچون آگاهلنتیرگن دیدی ننگیالی.
قندزو ولایتی کینگش‌نینگ اورین باسری امرالدین‌ولی خبرنی تصدیقلب ایتیشیچه، قورال‌لی طالب‌لرنینگ بو ینگی بویروغی ایکینیچی‌لرنی سرسان قیلگن.
جناب ولی، قاوون و تربوز ایکینی ولایت دهقانلری‌نینگ اصلی درآمد منبعی دیگن. اونگه کوره، قورال‌لی طالبلر بو ایش‌نی عمل‌گه آشیرگن حالده، ولایت‌ده ایکینچی‌لرنینگ حیاتی قیینچیلیک‌لر بیلن روپه ره بوله‌دی.
قاوون و تربوز قندوز خلقی‌نینگ ییریک درآمد منبعی حسابلنه‌دی. حساباتلرگه کوره، ولایت‌نینگ ایکینچی‌لری اوتگن ییل 800مینگ هکتار ییرگه قاوون و تربوز ایککن‌لر.
اما، ولایت ایکینچی‌لیک اداره‌سی‌نینگ مسوول‌لری، قورال‌لی طالبلر تامانیدن ایکینچیلرگه بونده‌ی بویروغ صادر ایتیلگن‌لیگی‌د‌‌ن خبرسیز ایکن‌لیک‌لرینی ایتگن‌لر.
قندوز امنیه قوماندانلیگی‌نینگ خوف‌سیزلیک آمری معصوم هاشمی بو مساله دولت قورال‌لی مخالف لری تامانیدن یول‌گه تشلنگن بیر میش – میش دیگن.
قندوز قورال‌لی جنگری طالب‌لرنینگ ییریک مرکزلریدن سنه‌له‌دی. جنگری طالب‌لرنینگ تیزیمی آغدیریلگن‌دن سونگ قندوز ولایتی بیرینچی مرته عصیانچی طالب‌لرنینگ اوچ کون اشغالی‌گه اوتگن ایدی.
