افغانستانده 13 میلیون کیشی قشاقلیکده حیات کیچیرهدی
آذیق-آوقت خلق ارا برنامه مسؤوللرینینگ ایتیشیچه، اوتگن 3 ییل جریانیده افغانستانده قشاقلیک بیلن حیات کیچیرهدیگن کیشیلرنینگ رقمی 9 میلیون دن 13 میلیون گه ییتیشگن.
بوگون «سهشنبه» 16- اکتوبر آذیق-آوقت خلق ارا کونی دیر. کابلده اوشبو کون ایکینچیلیک وزیرلیگی و آذیق-آوقت خلق ارا برنامه تامانیدن نشانلندی.
آذیق-آوقت خلق ارا کونینینگ بو ییلگی شعاری «میلادی 2030- ییلگچه دنیاده آچلیککه نقطه قوییلهدی.»
افغانستانده آذیق-آوقت خلق ارا برنامه باشلیغی زلتن ملیسیک نینگ ایتیشیچه، میلادی 2018- ییل جریانیده، ناتینچلیک مملکتلرده یوز بیرگن قوراللی اوروشلر آذیق-آوقت خوفسیزلیگی و توییب آوقتلنمسلیک آلدی آلینیش برنامهسینی قیینچیلیککه روپهره قیلگن.
ملیسیک گه کوره، افغانستانده هم قشاقلیککه قرشی کورهش برنامهسی اوروش باعث، قیینچیلیککه دوچ کیلگن.
افغانستانده آذیق-آوقت خلق ارا برنامه باشلیغینینگ ایتیشیچه، طبیعی حادثهلر، بدرغهلیک، قاچقینلرنینگ قیتیشی و شونینگدیک، قوروقچیلیک افغانستانده آذیق-آوقت خوفسیزلیگی و توییب آوقتلش اوستیگه سلبی تأثیر قویگن.
آذیق-آوقت خلق ارا برنامه باشلیغی گه کوره، افغانستانده قوروقچیلیک باعث، 3.5 میلیون کیشی آذیق-آوقت خوفسیزلیگی نقطهی نظریدن زیان کورگن.
عین حالده، افغانستان بوییچه ایکینچیلیک، سوولنتیریش و چارواچیلیک وزیری نصیراحمد درانینینگ ایتیشیچه، جاری ییلده مذکور وزیرلیکنینگ استراتیژیکی انبارلریدن 119 مینگ متریک تُن بوغدای نی قوروقچیلیک و بدرغهلیکدن زیان کورگن کیشیلرگه ترقتگن.
درانینینگ کوپهیتیریشیچه، مذکور وزیرلیک آذیق-آوقت خلق ارا برنامه اویغونلیگیده 60 مینگ متریک تُن بوغدای نی مجانی شکلده اوشبو تشکیلاتنی اختیاریده قویگن و بونچه بوغدای امریکا قوشمه ایالتلرینینگ خلق ارا رواجلنتیریش ادارهسینی مالی یاردمی بیلن مملکتده 1.4 میلیون نیازمند کیشیگه ترقهتیلهدی.
ایکینچیلیک وزیرلیگی و آذیق-آوقت خلق ارا برنامه مسؤوللرینینگ ایتیشیچه، قشاقلیککه قرشی کورهش اوچون ایکینچیلیک محصولاتینی کوپهیتیریش، ایکینچیلردن حمایت قیلیش، آذیق-آوقت صفتینی یوقاری قیلیش، محصولات کوپهییشی اوچون آذیق-آوقت تیزیملریگه دقت قیلیش، ایکینچیلیک محصولاتینی معیاری قیلیش و ییر اقلیمی اوزگریشیگه قرهب ایکینچیلیک پالیسیلریگه قیتهتیکلش برنامهلرینی قولگه آلهدیلر.
