فاریاب ولایتی نینگ اندخوی، قورغان و قرمقول تومنلریده امنیتی کوچلر و طالبان آرهسیده یوز بیرگن آتیشمهلر باعث، 1300 عایله آواره بولگن.
آوارهلردن بیرقطاری نینگ ایتیشیچه، آذیق-آوقاتلری یوق دیر و یمان وضعیتده حیات کیچیرهدیلر.
آوارهلردن ایکی تهسی، انهمراد و قربانعلی نینگ سلاموطندارگه ایتیشیچه، یمان وضعیتده حیات کیچرهدیلر، بالهلری آچ و آذیق-آوقاتلری یوق دیر.
اندخوی تومنی نینگ مدنی فعاللریدن بیرقطاری، آواره بولگنلرنینگ وضعیتینی خواطرلنترووچی عنوان قیلهدیلر. اولرنینگ ایتیشیچه، آوارهلرنینگ آذیق- آوقاتلری یوق و 4 یا-ده 5 عایله بیر اویده تیریکچیلیک قیلهدی.
فاریاب ولایتی نینگ اندخوی تومنی ولسوالی سلطان سنجرنینگ ایتیشیچه، 1300 عایله آواره بولگن و حاضرده هیچقندی یاردم قولگه کیریتمهگنلر.
فاریاب ولایتی کینگش اعضالریدن بیرقطاری، آوارهلر وضعیتینی خواطرلنترووچی عنوان قیلهدیلر.
اولرنینگ ایتیشیچه، فاریاب ولایتی نینگ اندخوی، قورغان و قرمقول تومنلری ایکی هفته آلدین طالبان وجودیدن تازهلنگن ایدی، بیراق طالبان گروهی قیتهدن اوشبو تومنلرده کیلیب و کوپ قطار عایلهلرنینگ آواره بولیشلریگه سبب بولگن.
