جوزجان ولایتی‌نینگ قرقین و مردیان تومنی محلی مسئوللری طالبلرنینگ کینگ فعالیتی‌دن خواطر بیلدیریب ایتیشلریچه، اوشبو تومنلرنینگ وضعیتی کوپ یمان بولگن و مرکزی حکومت نینگ جدی توجه‌سیگه احتیاجی بار.
سلام‌وطندارگه صحبت بیرگن جوزجان ولایتی قرقین تومنی ولسوالی شکورالله جاهد نینگ ایتیشیچه، طالبلر بو تومنده باره‌دیگن یوللرنی باغلب و اهالینی اقتصادی تحریم قیلگن.
قرقین تومنی ولسوالی گه کوره، اوشبو تومنده یوزبیرگن سونگی آتیشمه‌لر باعث بیر مینگ عایله جوزجان ولایتی نینگ آقچه و منگجیک تومنی و بلخ ولایتیده آواره بولیب و یمان وضعیتده حیات کیچیره‌دیلر.
شونینگدیک سلام‌وطندارگه صحبت بیرگن جوزجان ولایتی مردیان تومنی ولسوالی مولوی شمس‌الدین نینگ ایتیشیچه، طالبلر بو تومن نی اقتصادی تحریم قیلگن و شونینگدیک، اهالی گه ایکینچلیک محصولاتلرنی توپلش رخصتی نی بیرمه‌گنلر.
شو توغریده:
غور؛ طالبان گروهی پسابند تومنی‌نی اقتصادی تحریم قیلیب و اهالینی قیناققه ساله‌دی
یشاوچیلرگه قرشی طالبلرنینگ تحریمی؛ 5 کیشی آچلیک‌دن جان بیرگن
فاریاب؛ طالبان آذیق-آوقت نی تحریم قیلگن
عین حالده، ینگی‌لیکده قرقین و مردیان تومنیدن بدرغه بولگن قطار یشاوچیلرنینگ ایتیشیچه، اوشبو تومن اهالیسی یمان اقتصادی وضعیت گه قرار تاپگن.
جوزجان پولیس قومندانی عبدالواحد وجدان، قرقین و مردیان تومنی مسئوللری نینگ سوزلرینی تصدیقلب، طالبلرنینگ نابود ایتیش اوچون تیزلیکده حربی عملیات یولگه قوییلیشیدن خبر بیره‌دی.
بیراق طالبلر سوزلاوچیلریدن بیری ذبیح‌الله مجاهد جوزجان تومنلری اقتصادی تحریم قیلینگنی نی رد قیلیب ایتیشیچه، حکومت قرقین تومنی‌ده پسترمه چیزیغی نی سیندیریش اوچون بونده‌ی بیر ادعا قیلگن.
