د سرپل ولایتي شورا غړی اسدالله خرم وايي، طالبان د دې ولایت د سنچارک ولسوالۍ تبیر او تغایخواجه کلیو کې له هرې کورنۍ ۱۰ زره افغانۍ یا ۱۰ منه ممیز غواړي.
د نوموړي په وینا، که حکومت ژرترژره د طالبانو پروړاندې عملیات ونهکړي، د دې ولسوالۍ په ګډون به سوزمهکلا او ګوسفندي ولسوالۍ هم د هغوی لاس ته ولوېږي.
په همدې حال کې د سنچارک ولسوالۍ اوسېدونکي وايي، حکومت یې پر سیمو واک نهلري او دوی اړ دي چې طالبانو ته باج ورکړي.
د سرپل سنچارک ولسوالۍ اوسېدونکي رمضان روحاني او تاجمحمد وايي، بېوسه دي، ماشومان ور لهغاړې دي او طالبان ترې له ۵ زرو تر ۱۰ زرو افغانیو باج اخلي.
دوی له حکومت نه غواړي چې سیمه یې له طالبانو ونیسي او د هغوی له باج اخیستلو بېغمه شي.
په همدې حال کې د سنچارک ولسوال نقیبالله دقیق وايي، نغدي جریمه او له هرې کورنۍ ۶ ټوټې ډوډۍ اخیستل د طالبانو د نوي تصویب شوي قانون یوه برخه ده.
نوموړی وايي، که خلک طالبانو ته پیسې او ډوډۍ ورنهکړي، د بندي کولو او وهلو ترڅنګ یې وژني.
خو د سرپل امنیې قومندان عبدالقیوم باقيزوی ډاډ ورکوي چې ډېر ژر به د سنچارک ولسوالۍ په ناامنو سیمو کې عملیات پیل او له خلکو د طالبانو باج اخیستلو مخه به ونیسي.
بلخوا د طالبانو ویاند قاري یوسف احمدي د سرپل ولایت، سنچارک ولسوالۍ له اوسېدونکيو د باج اخیستلو موضوع نه مني.
