بوگون "یکشنبه" ملی خوفسیزلیک کینگشی نینگ بیر توییت آرقه‌لی اعلان قیلیشیچه، اوتگن ایکی کون جریانیده طالبان جنگریلریدن 317 ته‌سی دولت قماقخانه‌لریدن قوییب یوباریلگن.
مذکور محبوسلرنینگ قوییب یوباریلیشی بیلن، حکومت تامانیدن قوییب یوباریلگن محبوسلرنینگ سانی 4917 کیشی‌گه کوپه‌یگن.
اوشبو قوییب یوباریلگن محبوسلرنینگ آت‌لری طالبان گروهی تامانیدن بیریلگن 5 مینگ کیشی‌لیک فهرست گه یوق دیر.
ایتیلیشیچه، مملکت جمهور رئیسی محمداشرف غنی، قربان هییتی نینگ بیرینچی کونیده، طالبان اعضالریدن 500 ته‌سینی قوییب یوباریلیشی خصوصیده بویروغ بیرگن ایدی و طالبان نینگ 317 اعضاسی مذکور بویروغ اساسیده قوییب یوباریلگن.
هییت نینگ بیرینچی کونیده جناب غنی نینگ تاکید قیلیشیچه، قانون گه کوره، طالبان گروهی نینگ 400 اعضاسی‌نی قوییب یوباریش اوچون صلاحتی یوق و اولرنی قوییب یوباریلیشی خصوصیده قورلتایی یولگه قوییلیب و اهالی قرار قیله‌دی.
