حکومت اجراییه ریاستی سیلاولرگه اصلاحات کیریتیش تنلاو کمیتهسیدن تیزلیکده ایش باشلشنی سورهگن، حال بوکه جمهور رییسلیک سرایی مذکور کمیته اعضالری تکمیل بولمهگنلیگیدن خبر بیرگن.
بوگون (دوشنبه) اجراییه ریاستینینگ اورین باسری آصف آشنا عاموی اخبارات واسطهلریگه قیلگن صحبتده تنلاو کمیتهسی ایشی کیینگه قالدیریلیشی پارلمان سیلاولرینی آرتده قالدیریش اوچون بیر بهانه دیگن.
اوتگن هفته اوشبو کمیتهنینگ ییتی سی سیلاولرگه اصلاحات کیریتیش کمیسیونی تامانیدن تانیشتیریلگن ایدی. سیلاولر تیزیمیگه اصلاحات کیریتیش کمیسیون اورین باسری صدیقالله توحیدینینگ سلاموطندارگه ایتیشیچه، عالی محکمه، اداری اصلاحات کمیسیونی، انسان حق و حقوقلری و اساسی قانوننی تطبیقینی نظارت قیلیش اداره، خبرچیلر، عیاللر حقوق فعاللری و مدنی جماعهچیلیک اوز نمایندهلرینی اوشبو کمیته اعضالیگی اوچون تانیشتیرگن.
اوشبو کمیته تامانیدن تیارلنه دیگن رویخطده، مذکور رویخطگه موافق سیلاولر کمیسیونلرینینگ بلند مرتبهلی اعضالری جمهور رییس تامانیدن تنلنهدی.
اما، جمهور رییس سوزلاوچیسینینگ اورین باسری سیدظفر هاشمینینگ سلاموطندارگه بیلدیریشیچه، تنلاو کمیتهسینینگ اعضالری هنوزگچه تکمیل ایتیلمهگن.
شونینگدیک سید ظفر هاشمی، مدنی و انسان حق و حقوقلری ادارهلری تامانیدن کیشیلر انتصابی شکلده تَنیشتیریلگن، حلانکه مذکور جریان سیلاو شکلده عملی ایتلیشی کوتیلردی.
تنلاو کمیتهسی تکمیل ایتیلیش زمانینی معلوم قیلمهگن جناب هاشمیگه کوره، اوشبو کمیته مدنی و حقوقی ادارهلر نمایندهلرینینگ اعضالری تکمیل ایتیلگدن سونگ ایشگه باشلهشی انابتگه آلینگن ایدی.
دین محمدگران، نادر هوتک، لطفالرحمان، فهیم دشتی، نعیم ایوبزاده، زرقایفتلی و احمدضیالنگریلر ترتیب اساسیده عالی محکمه، اصلاحات اداری کمیسیونلری، اساسی قانوننی تطبیق ایتش نظارت ادارهسی، مدیا، مدنی ادارهلر، عیاللر حقوقینی مدافعه قیلیوچی ادارهلر و انسان حق حقوقلری کمیسیونلری اعضاسیدن عبارت.
سیلاولرگه اصلاحات کیریتیش کمیسیونی جاری ییل سرطان آیینینگ پایانیده جمهور رییس تامانیدن صادر ایتیلگن تقنیقی بویروغ اساسیده سیلالر تیزیمیگه اصلاحات کیریتیش کمیسیون ایجاد قیلینگن ایدی.
