بوگون «شنبه» طالبان گروهی بیر خبرنامه ترقه‌تیب ایتیشیچه، آمریکا کیچیک بیر قرارگاه بدلی‌ده اولرگه افغانستان حکومتی‌نینگ بوتونله‌ی تاپشیریش‌گه سوز بیرگن ایکن، لیکن بو گروه تامانیدن قبول قیلینمه‌گن.
طالبان گروهی نینگ خبرنامه‌سیده کیلیشیچه، آمریکا، ایستک‌لری طالبان تامانیدن تَن آلینگن صورتده، بو گروه نی سیاسی و اقتصادی نقطه‌ی نظردن هم حمایت قیلیشی خصوصیده سوز بیرگن ایکن.
قطرده طالبان سیاسی دفتری سوزلاوچیسی سهیل شاهین، روسیه‌لیک تاس خبری آژانسی بیلن اوتکزگن صحبتیده، طالبان هیأتی مسکوگه سفر قیلگنیدن خبر بیرگن.
اونگه کوره، بو هیأت جمعه کون مسکوگه ییتیب بارگن و افغانستان ایشلری بوییچه روسیه جمهور رئیسی نینگ خاص نماینده‌سی ضمیر کابلوف بیلن اوچره‌شگن.
بیراق، کابل ده خبری بیر ییغین اوتکزگن جمهورلیک ریاست سوزلاوچیسی صدیق صدیقی نینگ ایتیشیچه، طالبان هیأتی نینگ روسیه گه قیلگن سفری بو گروه نینگ سیاسی مغلوبیتی نی کورسته‌دی. جناب صدیقی نینگ ایشانچی گه کوره، طالبان گروهی تینچلیک نینگ اساسی آدرسی نی یوقاتگن.
طالبان هیأتی روسیه گه سفر قیلگن بیرچاغده، آمریکا جمهور رئیسی دونالد ترامپ، سونگی کونلر آمریکا و طالبان آره‌سیده‌گی تینچلیک سوزلشوولرنی بیکار قیلیب و طالبان گه قرشی هجوملر شدتلنتیریلیشی‌نی بیلدیرگن.
