طالبان گروهی، آمریکا جمهور رئیسی تامانیدن تینچلیک سوزلشوولری بیکار قیلینگنی گه عکس‌العمل بیر خبرنامه ترقه‌تیب ایتیشیچه، آمریکا نماینده‌لری بیلن بولگن 9 دور تینچلیک سوزلشوولری مؤفق ایکن، بیراق حاضر بیکار قیلینگنده، زیان نی آمریکانینگ اوزی کوره‌دی.
طالبان گروهی نینگ خبرنامه‌سیده کیلیشیچه، کیلیشوو امضاء قیلینمس‌دن آلدین، بیر هجوم گه عکس‌العمل کورسه‌تیش صبر و تجربه بولمه‌یدی.
خبرنامه‌ده کوپه‌یتیریلیشیچه، آمریکا و طالبان ارا تینچلیک سوزلشوولری آمریکا جمهور رئیسی تامانیدن بیکار قیلینیشی توشونمس‌دن بولگن، عین دمده، کیلیشوونامه امضاءلنیشی نهایی بولگن ایدی و امضاءلنگنیدن سونگ، 1- میزان ده افغانستانلیک‌لر ارا سوزلشوو باشلنیشی توغریسیده قرار قیلینگن ایدی.
اوشبو موضوع بیان ایتیلگن بیرچاغده، اوتگن کیچه آمریکا جمهور رئیسی دونالد ترامپ، اوز توییتر صحیفه‌سیده آمریکا و طالبان ارا تینچلیک سوزلشوولرینی بیکار قیلیب و جمهور رئیس غنی و طالبان رهبرلری بیلن اوچره‌شیش برنامه‌سینی توخته‌تیب قویگن.
.jpg)
جناب ترامپ نینگ ایتیشیچه، بو قرار آمریکالیک بیرعسکرنی طالبان تامانیدن اویوشتیریلگن هجوم‌گه هلاک ایتیلگنی باعث، بو قرار آلینگن.
آمریکا جمهور رییسی نینگ توییتر صحیفه‌سی آرقه‌لی کوپه‌یتیریشیچه، طالبان گروهی تینچلیک سوزلشوولرده موقف‌لرینی کوچلی قیلیش اوچون بو هجوم‌نی انجام بیرگن، بیراق بو حرکت‌لری اولر موقف‌لریگه زیان ییتیشتیرگن.
ترامپ نینگ ایتیشیچه، طالبان گروهی تینچلیک سوزلشوولر جریانی‌ده آتیش‌کیسین قیلیش‌گه کیلیشمه‌گن صورتده، سوزلشوولرنینگ معنی یوق دیر.
