د فراه د ولایتي شورا مرستیال سلاموطندار ته وویل چې طالبانو نن سهار شاوخوا ۹ بجې د حکومت یو کارکوونکی د دغه ولایت په داراباد کې وواژه او ۱۰ نور یې چې د حکومت کارکوونکي او د سیمې قومي مشران وو، وتښتول.
د نوموړي په وینا، دغه ۱۱ کسان له داراباد سیمې نه چې له فراه ښاره ۷ کیلومتره لرې ده، یاد ښار ته روان وو.
نعیمي زیاتوي، تر اوسه د تښتول شویو کسانو په اړه مالومات نهلري.
ویل کېږي دغه کسان د پولیسو یوې پوستې ته له نږدې سیمې تښتول شوي دي.
موږ هڅه وکړه چې پهدې اړه د فراه د سیمهییزې ادارې او پولیسو نظر هم واخلو، له پرلهپسې هڅو سره سره و نه توانېدو.
وسلهوالو طالبانو تراوسه پهدې اړه رسنیو ته څه نهدي ویلي.
