د طالبانو ډلې د جوزجان ولایت په قوشتپې ولسوالۍ کې یو ۸ کلن ماشوم باندې ډزې کړي او هغه یې وژلی دی.
یوې امنیتي سرچینې د نوم نه ښودلو په شرط سلام وطندار ته ویلي چې طالبانو نن سهار د محمدهارون په نوم یو ۸ کلن ماشوم پهدې تور وژلی چې امنیتي ځواکونو ته یې اوبه وړلې.
د سرچینې په خبره، ځايي اوسېدونکیو د دې ماشوم جسد پیدا کړی او د هغه کورنۍ ته یې سپارلی دی.
د جوزجان د والي ویاند فریدون انیق د دې خبر په تایید سره وايي چې طالبانو دا ماشوم د قوشتپې ولسوالۍ په خانقاه کلي کې وژلی او بیا له سیمې تښتېدلي دي.
خو د طالبانو یو ویاند ذبیحالله مجاهد بیا د دې موضوع په اړه د پلټنو د پيل کېدو خبر ورکوي او وایي چې د دې ډلې کسان دا ډول کارونه نهکوي.
