د پکتیکا ولایت امنیتي چارواکي وايي، چې وسله والو طالبانو تېره شپه (پنج شنبه) د دې ولایت د سروضې ولسوالۍ په سروضې کلي کې د واده په مراسمو برید کړی.
د دې ولایت امنیه قوماندان خلیل الله ضیايي وايي، چې طالبانو په دې برید کې د زوم په ګډون څلور تنه وژلي او یو کس یې ټپي کړی دی.
ضیايي وايي، وژل شوي کسان ټول ولسي خلک دي، چې واده ته راغلي وو او له دولت سره هېڅ اړیکه نه لري.
وسله والو طالبانو رسنیو ته په لېږل شوي پیغام کې د برید مسوولیت منلی او ادعا یې کړې، چې دغو کسانو له دولت سره همکاري کوله ځکه یې وژلي دي.
