د فاریاب د کوهستان ولسوالۍ امنیه قوماندان ناصرخان سلاموطندار ته وايي، طالبانو د ۶ کلیو پر اوسېدونکو چې د دولت تر حاکمیت لاندې دي، اقتصادي بندیز لګولی دی.
د کوهستان ولسوالۍ امنیې قوماندان په وینا، طالبان ـ چې کومو سیمو کې ژوند کوي ـ اجازه نهورکوي چې ارتزاقي مواد د دې ولسوالۍ مرکز ته راوړل شي او همدارنګه طالبانو د دې سیمو کروندګر له کښت او کرنیزو چارو څخه هم منع کړيدي.
د ده په خبره، طالبانو د خپلې کنترول لاندې سیمو کې خلکو ته ویلي چې د کرنې منع شویو کلیو ته خوراکي توکي هم ونه لېږدوي او لارې یې هم پرې تړلې دي.
د کوهستان ولسوال روحالله میرزاد هم سلام وطندار ته وايي، طالبانو د یادو کلیو بزګران له دولت سره د همکارۍ په دلیل له کرکیلې منع کړېدي.
ښاغلی میرزاد وايي چې طالبان پهدې ولسوالۍ کې له امنیتي ځواکونو سره د مخامخېدو توانايي نهلري؛ ځکه خو د اقتصادي تحریم له لارې په امنیتي ځواکونو د فشار راوړلو هڅه کوي.
د فاریاب د ولایت مقام ویاند احمدجاوید بیدار د طالبانو له لوري لهدې تحریم نه بېخبري ښيي.
طالبانو تراوسه پهدې اړه په رسمي ډول رسنیو ته څه نهدي ویلي.
کوهستان د فاریاب یوه تر ټولو لېرې پرته ولسوالي ده. کوهستان کې ۱۰۰زرو ډېرې کورنۍ اوسېږي او شاوخوا ۱۳۴کلي لري چې لهدې جملې یوازې ۶ کلي یې د دولت تر کنټرول لاندې او پاتې نورې یې د طالبانو تر ولکې لاندې دي.
د سیمې خلک وايي، طالبان په دا ډول تحریمونو سره غواړي چې د دولت تر حاکمیت لاندې کلي هم تر خپل کنټرول لاندې راولي.
ورته مطالب:
فاریاب؛ طالبان ښځې او ماشومان د سپر په توګه کاروي
طالبانو د فاریاب په شېرینتګاب ولسوالي کې د نجونو پر زدهکړو بندیز لګولی
