.jpg)
د هېواد په لوېدیځ زون کې یوې معتبرې باوري سرچینې د نوم نه خپرولو په شرط سلاموطندار ته وویل، په تېرو دوو ورځو کې د فراه بالابلوک او لاشوجوین ولسوالیو او د فراه ښار په یوې څنډه کې د طالبانو په ډیلهییزو بریدونو کې د عامهنظم، پولیسو او اردو ۵۰ تنه سرتېري وژل شوي دي.
د سرچینې په خبره، په هلمند ولایت کې د طالبانو خلاف د امنیتي ځواکونو عملیاتو پیل سره سم طالبانو د فراه په دغو ولسوالیو او د ښار په یوې څنډې ډلهییز بریدونه وکړل.
.jpg)
دغه امنیتي سرچینه وايي، طالبانو د دغو سرتېرو له وژل کېدو وروسته د ملي اردو ۵ هاموې زغرهوال او یو ټرک سوځولي او درې هاموې زغرهوال او یو ټرک یې له لسګونو میلو درنو او سپکو وسلو سره وړي دي.
زیاتوي چې د طالبانو لهخوا وړل شوي او سوځول شوي نظامي تجهیزاتو لګښت له یو میلیون ډالرو زیات دی.
خو د فراه د والي ویاند ناصر مهري وايي، د طالبانو د تېرې شپې په برید کې ۱۵ تنه سرتېري وژل شوي دي او د طالبانو له لوري د نظامي تجهیزاتو وړل او سوځول ردوي.
