د ولسمشر د ویاند مرستیال شاه حسین مرتضوي کابل کې د خبري غونډې پرمهال وویل، محمد اشرف غني نن له مازدیګر وروسته د لوړ پوړي حکومتي پلاوي په مشرۍ تاشکند غونډې کې د ګډون په موخه اوزبیکستان ته ولاړ.
د ښاغلي مرتضوي په وینا، غني به نن ماښام د اوزبیکستان له ولسمشر میرضیا یووف سره د کابل ـ تاشکند ترمنځ د اړیکو په پراختیا خبرې وکړي او سبا ورځ د دغه هېواد پلازمېنه د سیمهییزو همکاریو او د سولې خبرو په برخه کې د ۲۳ هېوادونو د استازو ګوربه ده.
مرتضوي وايي، ولسمشر غني د دغې غونډې په څنډه کې د اروپايي ټولنې ځانګړې استازې او د بهرنیو اړیکو مسوولې مېرمن موګرني، د امریکا د بهرنیو چارو وزارت له مرستیال توماس شنان، د روسیې د بهرنیو چارو وزیر او د افغانستان او پاکستان لهپاره د برېټانیا له ځانګړي استازي سره خبرې وکړي.
شاه حسین مرتضوي وویل، افغانستان ترهګرۍ سره د جګړې په لومړۍ کرښه کې دی، خو ترهګر ټول نړۍ ګواښي. له دې کبله زموږ هیله دا ده چې د تاشکند په غونډه کې ګډونکوونکي هېوادونه ترهګرۍ سره د مبارزې په برخه کې مسوولانه عمل وکړي او د افغانستان په څنګ کې ودرېږي.
