د افغانستان د کورنيو چارو وزارت چارواکي وايي، چې یوازې د سږ کال په مرغومي میاشت کې نږدې ۸پولیس سرتیري وژل شوي دي.
د یاد وزارت ویاند صدیق صدیقي د یوې خبري ناستي په ترڅ کې وویل، چې دغه شمیر پولیس سرتیري په پوځي عملیاتو او د ترهګرو په بریدونو کې وژل شوي دي.
هغه وايي، چې په وژل شویو کې سیمهییز پولیس هم شامل دي.
د هغه پر خبره، د کورنیو چارو وزارت د ځواکونو پیاوړتیا او د پولیسو په لیکو کې د سمون څو کړنلارې ترلاس لاندې نیولې دي.
د کورنیو چارو وزارت ویاند دا هم وویل، چې د پولیسو اړتیاوو ارزونې په موخه یې یو شمیر ولایتونو ته ۲۰ ډلې لیږلي دي.
د صدیقي پر وینا، د دې ډلو کار د کورنیو چارو وزیر مثبت ارزولی او ټاکل شوې دا ډلې ټولو ولایتونو ته واستول شي.
