اداره‌لرده اصلاحات کیلتیریش کمیسیونی‌نینگ اعلان قیلیشیچه، افغانستان‌لیک فلم توزه‌تووچی صحرا کریمی افغان‌فلم باشلیغی صفتیده تعیین ایتیلگن.
اداره‌لرگه اصلاحات کیلتیریش کمیسیون باشلیغی نادر نادری نینگ توییتر صحیفه‌سیده یازیشیچه، افغان‌فلم افغانستانده سابقه‌سی بولگن فلم توزه‌تیش شرکت دیر و تینیق بیر لایحه آرقه‌لی خانم کریمی اونینگ باشلیغی عنوانیده تعیین‌لندی.
بیرینچی مرته که بیرعیال افغان‌فلم باشلیغی صفتیده تعیین ایتیله‌دی.
افغان‌فلم 1347- ییلده ایجاد ایتیلگن. اوشبو اداره افغانستانده دولتی بولگن سینما توغریسیده فعالیت قیله‌دیگن بیرینچی نهاد دیر و مملکت سینماسینی کوچلی قیلیش توغریسیده کوپینچه فعالیت قیلگن.
افغانستان‌لیک فلم توزه‌تووچی صحرا کریمی ایران‌ده دنیا گه کیلگن و فلم توزه‌تیش خصوصیده دکترا سندی‌نی فلم اوقویورتی و اسلواکی تلویزیونی دن قولگه کیلتیرگن.
اونینگ ایشلاوچی‌لیگی‌ده بولگن «زنان پشت فرمان رانندگی»،«نسیمه، خاطرات روزانه دختری مهاجر» و «در جستجوی خیال» فلم‌لر خلق ارا جایزه‌لرینی قولگه کیلتیرگن.
