خوست یشاوچیلریدن بیرقطاری‌نینگ ایتیشیچه، دیورند چیگره‌سی‌نی یولی باغلیق بولگنی سبب، اولر هییت‌ده قربانلیک قیلگن حیوانلرنینگ تیریلرینی کوچه‌لرده تشله‌گن‌لر.
ایکی ییل آلدین، خوست ولایتیده دینی مدرسه‌لرنی اوقووچی‌لری هییت کونلریده مذکور ولایت‌نینگ یشاوچیلرینی اویلریگه باریب و حیوانلرنینگ تیریلرینی ساتیب آلیب و قاچاق شکلده اولرنی پاکستان انتقال بیره‌دی ایکن‌لر.
بیراق، ایکی ییل‌دن بویان غلام‌خان بندری و قبایلی منطقه‌لرنی یولی باغلنگن و حیوانلرنینگ تیریسی پاکستان گه انتقال بیریلمه‌یدی.
یول یاپیقلیگی سبب، تیری قیمتی هم قویی توشگن و هر تیری‌نی قیمتی بیر مینگ کلدار دن 100 کلدارگه قویی کیلگن.
تیری قیمتی کمه‌یگنی باعث، خوست یشاوچیلری حیوانلرنینگ تیریسینی کوچه‌لرده تشله‌یدیلر.
شونینگدیک، خوست ولایتیده تیری ساته‌دیگن‌لر و قصاب‌لردن بیرقطاری‌نینگ ایتیشیچه، اولرنینگ ایشلری اوتمیش‌لردیک ایمس و یالغیز اوزلری سویگن حیوانلرنینگ تیریسینی کابل آلیب باریب و او ییرده ساته‌دیلر.
خوست ولایتیده شیخ زاهد بیلیم یورتی استادی محمد سیف‌الله نینگ سلام‌وطندارگه ایتیشیچه، حکومت تیری پروسس قیله‌دیگن بیر ایشخانه ایجاد قیلیشی لازم.
حیوانلرنینگ تیریسی و زیاده ماده‌لرینی کوچه‌لرده تشلش یالغیز خوست ولایتیده قیین‌چیلیک یره‌تمه‌گن، بلکیم باشکینت و باشقه ولایت‌لرده هم یشاوچیلر حیوانلرنینگ تیریسی کوچه‌لرده تشله‌نیشی و کسل‌لیک‌لرگه سبب بولیشی‌دن شکایت قیلیب کیلگن‌لر.
