.jpg)
"افغان بیسیم" و "اتصلات" علاقه‌لر شرکتی‌نینگ آنتن‌لری بیش ییل‌دن بیری کابل اهالی‌سی اینیقسه شهر قوریش وزیرلیگی خادملریدن قربانلیک آله‌دی. بو سوزلرنی مملکت شهر قوریش وزیرلیگی‌نینگ یوقاری مرتبه‌لی رسمیلریدن بیری ایتگن. اوز نامی فاش ایتیلیشی نی ایستمه‌گن مذکور منبع‌گه نینگ سلام‌وطندارگه ایتیشیچه، اوشبو علاقه‌لر شرکتی‌نینگ ایکّی آنتنی تولقین‌لری نتیجه‌سیده هنوزگچه ایکّی خاتین‌نینگ حامله‌لیگی سقوط قیلگن و بیر کیشی هم ایسه یوره‌ک خروچی‌گه دوچار بولگن. شونینگ‌دیک بو پایه‌لر یقینی‌ده حیات کیچیره دیگن تورت کیشی هم عالم‌دن اوتگن.
سلام وطندار ترماغی‌گه کیلگن حجت‌ده افغان بیسیم و اتصلات علاقه‌لر شرکتی 1389- ییل‌ده شهر قوریش وزیرلیگی بیلن قول قویگن بتیم مذکور وزیرلیک بناسی آرقه‌سیده‌گی اوینی 5 ییل یعنی 1394 18- جدی گه قدر کرایه گه آلیب، بو مکان‌دن مخابراتی تولقین‌لرنی ترقه‌تیش اوچون فایده‌له‌نیشی ممکن ایدی.
.jpg)
نیمه اوچون افغانستان شهر قوریش وزیرلیگی مذکور الکترونیک جهازنینگ جسمی و روحی زیان‌لرینی انابت‌گه آلمس‌دن اوشبو ایکّی شرکت بیلن بونده‌ی بیر مساله گه قول قویگن؛ لیکن، کیلیشو زمانی اوز پایانی‌گه ییتگن‌دن کیین، شهر قوریش وزیرلیگی بو ایکّی شرکت‌دن مذکور پایه‌لرنی کوتاریش نی سوره‌گن، اما، افغان بیسیم و اتصلات علاقه‌لر شرکتی مساله اوچون فرق‌سیز یانده‌شگن.
ایتلیشیچه، علاقه‌لر تولقین‌لری انسان‌نینگ روحی، جسمی و عصبی ریشته‌لریگه ییریک زیانی بارلیگی ایتیله‌دی. مخابراتی شرکت‌لر آنتن‌لریدن ییره‌له دیگن الکترون تولقینی آلزایمر و پارکینسون کبی کسلیکلرنی پیدا قیله‌دی.
بدن‌نینگ مدافعه‌وی سیستمی‌نی ضعیف لشتیریب و عصبی معمالرنی هم کیلتیریب چیقاریشی ایتیله‌دی. بو قبل بیمارلیک‌لردن شهر اهالی‌سی اینیقسه آنتن‌لر یقینی‌ده استقامت قیله دیگن اهالی کوپراق زیان چیکه‌دیلر.
شهر قوریش وزیرلیگی 1394- ییل 1 جدی ده وزیرلیک‌نینگ تدارکات ریاستی‌گه یوله‌گه‌گن مکتوبده « مخابراتی شرکت‌نینگ زیانیگه کوره، افغان بیسیم و اتصلات علاقه‌لر شرکتی بیلن کیلیشو بیکار ایتلیشی‌نی سوره‌گن. کیلیشونینگ وقتیدن تورت آی اوتگن لیگی‌گه قره‌می، لیکن هنوز هم مذکور علاقه‌لر شرکتی‌نینگ ایکّی پایه‌سی شهر قوریش وزیرلیگی نینگ آرقه‌سیده جایلیشگن بناده همان سابق دیک تورماقده.
سلام‌وطندار ترماغی مذکور شرکت‌لرنینگ بو توغریده فکرینی اورگه‌نیش اوچون آلیب بارگن سعی وحرکتی نتیجه بیرمه‌گن و کیشی هم بو باره‌ده صحبت بیریش اوچون حاضر بولمه‌گن.
بونگه قره‌می، افغانستان شهر قوریش وزیرلیگی‌نینگ رسمیلری افغان بیسیم و اتصلات علاقه‌لر شرکتی تیزلیک‌ده منطقه‌ده‌گی پایه‌لرنی کوتارمه‌گن حالده، وزیرلیک اوزی بو آنتن‌لرنی کوتاریب تشلش‌گه اولگوریشی حقیده آگاه‌لنتیرگن.
