د ناټو غړیو هېوادونو د نن ورځې په ناسته کې د افغانستان ملي اردو او ملي پولیسو سره د مرستو کمیت او کیفیت په څرنګوالي بحث وکړ او په پایله کې شمالي مقدونیې ژمنه وکړه چې ۱۰۰۰ امریکايي ډالر د افغان ملي اردو له بسپنې صندوق (Afghan Nation Army Trust Fund) سره کومک کوي.
دا په داسې حال کې ده چې د مرسته کوونکیو هېوادونو په فهرست کې ـ د ناټو غړیو هېوادونو په شمول او همکاره هېوادونه په استثنا د امریکا ـ د پام وړ زیاته مرسته کړې؛ د المان هېواد له ۵۸۲ میلیونه ډالرو له مرستې نیولې د اسټرالیا تر ۵۲۰ میلیونو ډالرو مرستې شاملې دي. له دې سره ـ سره ځېنو شتمنو هېوادونو لکه سویس یوازې او یوازې ۱۸۶ زره ډالر د ملي اردو سپما صندوق سره مرسته کړې ده، خو د شمالي مقدونیې ۱۰۰۰ ډالري مرسته یو څه توهینامیزه ښکاري.
د افغان ملي اردو د بسپنې صندوق له LOTFA یا د قانون د حاکمیت لهپاره د سپما صندوق سره یوځای د ناټو سازمان غړیو او مرستهکوونکیو هېوادونو مجموعه تشکیلوي. د قانون د حاکمیت لهپاره د سپما صندوق یوازې د پولیسو حقوق یا معاشونه او په کورنیو چارو وزارت کې ظرفیتلوړونه او صلاحات تضمینوي.
