د تخار د عامې روغتیا ریاست مشر حفیظالله ساپی وايي، د تخار د ولایتي روغتون د تجهیز ۱.۶ میلیونه ډالره چې له عزیزي بانک سره په ضمانت ایښي وو؛ کابل کې د یوې لومړنۍ محکمې د حکم پر بنسټ، بېرته ولایتي روغتون ته ورګرځول کېږي.
ښاغلی ساپی وايي، دې محکمې د دغومره پیسو پر ورګرځولو سربېره، عزیزي بانک ته ویلي چې د تخار ولایتي روغتون ته شپاړس میلیونه نورې افغانۍ هم ورکړي.
د تخار ولایتي روغتون امر ډاکتر کریمالله رحیمبخش وايي چې پهدې روغتون کې د تجهیزاتو کمښت یوه له مهمو ستونزو شمېرل کېږي؛ خو د دغو پیسو په بېرته ورګرځولو سره به روغتون په پرمختللو وسایلو سمبال شي.
د سلاموطندار راډیو د یو څېړنیز راپور موندنې ښيي چې عامې روغتیا وزارت او عزیزي بانک د پیسو تضمین کوونکیو په توګه د تخار د ولایتي روغتون د طبي تجهیزاتو څه باندې یو نیم میلیون ډالر غلا کړي.
د تخار د ولایتي روغتون ډاکترانو هم د یوې خبرپاڼې په خپرولو سره ویلي، د یو نیم میلیون ډالرو دغه اختلاس د دولتي چارواکیو په مرستې شویدی.
