نړیوال بانک نن د افغناستان اقتصادي وضعیت په اړه یو تازه راپور خپور کړ.
د دغه راپور موندنې ښيي چې په ۲۰۱۹ کال کې د کورنیو عوایدو کچه ۱۴.۵ سلنه زیاته شوې ده.
په افغانستان کې د نړیوال بانک د دفتر رییس هنري کرالي وايي، که څه هم د ولسمشري ټاکنو کېدو، د سولې خبرو او ناامنیو له کبله سیاسي وضعیت ګونګ دی، خو بیا هم د افغانستان اقتصادي پرمختګ ښه شوی دی.
په نړیوال بانک کې اقتصادي کارپوه حبیبالرحمان صاحبزاده وايي، د ولسمشري ټاکنو او د سولې خبرو اترو په تړاو شته ګونګوالي پر اقتصادي فعالیتونو منفي اغېز کړی دی.
د هغه په وینا، په ۲۰۱۹ کال کې د هېواد د صادراتو او وارداتو کچه هم ډېره کمه شوې ده.
نړیوال بانک د افغانستان له نړیوالو شریکانو غواړي چې له دغه هېواد سره خپلو مالي مرستو ته دوام ورکړي. دغه بانک د ښې حکومتولۍ په برخه کې د افغان دولت پر هڅو هم ټینګار کوي.
اړوند مطالب:
ولسي جرګې د ۱۳۹۹ مالي کال ملي بودیجه تصویب کړه
د ۱۳۹۹ کال بودیجه د خلکو بیړنیو او مهمو اړتیاوو ته ځواب نه وايي
