افغانستان‌ده شفافیت‌نی کوزه‌تووچی اداره خلق ارا شفافیت‌نی نظارت ایتووچی اداره همکارلیگی بیلن یقین‌ده اوتکزگن تیکشیرووده، اداری فسادگه قرشی کورهشیش عالی اداره و مملکت باشقره‌لاوچیلیگی ترتیب اساسیده 100 امتیازدن صفر و 25 امتیاز آلگن لرینی معلوم قیلگن.
مذکور حسابا‌ت‌گه کوره، اداری فسادگه قرشی کورهشیش اداره‌لر اوزی فسادگه باتگن. آسیا خلق ارا شفافیت اداره‌سی‌نینگ باشلیغی سیریراک پلی‌یت نینگ بوگون (چهارشبنه) مذکور گزارش نتیجه‌سینی اعلان قیلیش‌ده ایتیشیچه، اوشبو تشکیلات دولت و نا دولت 12 اداره‌گه اساسلب تیارله‌گن گزارشده، افغانستان قضا سیستمی لازم درجه‌ده جواب بیریش‌گه ایگه ایمس.
شفافیت اداره‌سی‌نینگ مدیری عزت‌الله ادیب‌نینگ سوزلریگه کوره، افغانستان اجرایی و قضایی اداره‌لری ایرکین ایمس‌لر، زوروان کیشی‌لر اوشبو اداره‌لرگه نفوذ قیلگن. عین حالده، اوشبو کیشی‌لر قیلگن ایشلری اوچون جزالنمه‌گنلر.
شفافیت‌نی نظارت قیلووچی اداره‌نینگ گزارشی‌ده، کوپینچه کیشی‌لر دولت اداره‌لریده زور همده سیاسی باسیم‌لر اساسیده تعین ایتیله‌دی دییلگن.
شفافیت‌نی نظارت قیلیووچی اداره‌نینگ تحقیق مدیری، اوشبو تیکشیروو " ملی شفافیت سیستمی" نامی آستیده قانون توزه‌تووچی اداره، قاضی و اجرایی، اداره‌لرگه اصلاحات کیریتیش کمیسیون، سیلاولر کمیسیونی، عالی تفتیش اداره‌سی، نظارت اداره‌سی، سیاسی حزبلر، جمعی رسانه‌لر، مدنی جماعه‌چیلیک و ملی سوداگرلردن اوتکزیلگن مصاحبه اساسیده تیارلگن.
افغانستان شفافیت‌نی کوزه‌تووچی اداره میلادی 2009- ییلده هم دولت اداره‌لریده‌گی فساد باره‌سیده تیکشیرو اوتکزگن ایدی. سابق‌ده اعلان ایتیلگن گزارش‌لر، افغانستان خلقی‌نینگ 40% دولت اداره‌لریگه پاره تولش‌لری بیلدیرگن ایدی، اما ینگی حساباتده ایسه بو رقم 50%گه آشگنی بیلدیریلگن.
