د فاریاب په شېرینتګاب ولسوالۍ کې د ۲۰۹ شاهین قولاردو د دویمې لوا یو مېشت سرتېری د نوم نهښودلو په شرط سلام وطندار ته وايي چې شاوخوا ۳۰۰ افغان امنیتي ځواکونونه په شېرینتګاب ولسوالۍ کې د طالبانو په محاصره کې دي او د ۲۰۹ شاهین قولاردو مسوولان ورته هېڅډول توجه نهکوي.
دا سرتېری ادعا کوي چې په محاصره کې د حصار شویو سرتېرو له لوري ۲۰۹ شاهین قولاردو ته شاوخوا ۳۰۰ شفرونه لېږل شوي؛ خو یو ته یې هم ځواب نهدی ورکړل شوی.
د دې سرتېري په خبره، د امنیتي ځواکونو جسدونه په ورځو ـ ورځو په میدان کې پراته وو؛ تر دې چې د سرهصلیب له لوري ولېږدول شول؛ خو ټپيان لا هم له دوی سره یوځای په بېبرخلیک حالت کې پراته دي.
د شېرینتګاب ولسوال سیدشرشالدین هم سلام وطندار ته وویل چې له ۴۰۰ ډېر امنیتي ځواکونه پهدې ولسوالۍ کې د طالبانو په محاصره کې دي او هېڅ ارګان د هغوی غږ نه اوري.
د شېرینتګاب ولسوال په وینا، سرتېري په وېره کې دي، یو شمېر وژل شوي او یو شمېر نور ټپیان شوي دي.
خو د ۲۰۹ شاهین قولاردو دویمې لوا قوماندان جلال یفتلي سلام وطندار سره په اړیکه کې دا ادعا ردوي او وایي، د دوی ځواکونه په شېرینتګاب ولسوالۍ کې هېڅ ستونزه نهلري او دی تل ورسره په اړیکه کې دی.
له بله پلوه د قیصار ولسوال وایي، تېره شپه ددې ولسوالۍ په ارکلیک سیمه کې طالبانو د ملياردو او ولسي پاڅونوالو ۲۲ سرتېري وژلي او ۱۰ نور یې ټپیان کړيدي.
ورته مطالب:
فاریاب کې د طالبانو ډلهییز برید کې ۱۸ امنیتي ځواکونه وژل شوي
فاریاب؛ ۴ طالبمشران او ۵۶ تنه وسلهوال وژل شوي
