سیگار ینگی بیر گزارش ترقهتیب، افغانستان ساغلیک فاجعه یوزبیریش احتمالی بیلن روپهرو بولگنیدن خبر بیرگن.
اوتگن کون (پنجشنبه 11- ثور) افغانستان قیته قوریلیشی اوچون آمریکانینگ خاص تیکشیرووچی دفتری یا-ده سیگار بیر گزارش نشر قیلیب اورغولشیچه، افغانستان نینگ ساغلیک سیستمی کوچسیز بولگنی اوچون، بو مملکتده ساغلیک فاجعه یوزبیریش احتمالی بار.
سیگار افغانستان خصوصیده و مذکور مملکتده کرونا ویروسی نینگ فاجعهسی حقیده بیرینچی گزارشی نی آمریکا کنگرهسیده ارایه قیلدی. سیگارنینگ گزارشی گه کیلیشیچه، افغانستان ده ساغلیک سیستم کوچسیزلیگی، توییب آوقتلنمهسلیک، چیگرهلر یاپیق قالیشی، ایچکی بدرغهلر، ایران بیلن قوشمه چیگره و شونینگدیک بو مملکتده کینگ اوروش مذکور مملکت نینگ ساغلیک فاجعه گه روپهرو قیلیشی ممکن.
سیگارنینگ گزارشی گه کیلیشیچه، آمریکا رسمیلری کرونا ویروسی کینگهیگن بیر حالده، افغانستان تینچلیگی توغریسیده آمریکا نینگ سعی و حرکتلری توختهلگنیدن خواطر بیلدیرگن.
افغانستان قیته قوریلیشی اوچون آمریکانینگ خاص تیکشیرووچی دفتری یا-ده سیگارنینگ ایتیشیچه،
افغانستان چیگرهلری یاپیق قالگنی و بو مملکتده یاردم ییتیشمهگنی سیگارنینگ جدی خواطرلریدن دییلگن.
کرونا ویروسی کینگهیمسدن آلدین افغانستان آمار مرکزی بیر گزارش آرقهلی، افغانستان اهالیسیدن کمیده 52 فایزی هرتامانلمه قشاقلیککه حیات کیچیریشیدن خبر بیرگن ایدی.
کرونا ویروسی دنیا بویلب رواجلنگن بیرحالده، مملکت نینگ قطار کتته شهرلری بوتونلی قرنطین قیلینگن و شونینگدیک قشاقلیک میزانی کوپهیگن. افغانستان ده کرونا ویروسی نینگ بیرینچی ایجابی واقعهسی رویخط گه آلینگنیدن کمیده ایکی آی اوتماقده کیم بو پیتده 2335 کیشی بو ویروس گه چلینگن و بولردن 68 تهسی جان بیرگن.
