بوگون «شنبه» نمایندهلر کینگشی نینگ عمومی ییغینده، نمایندهلرنینگ آرهسیده بالهلردن حمایت قیلووچی قانون تصدیقلنیشی توغریسیده لفظی تارتیشمه یوز بیرگن.
بالهلردن حمایت قیلووچی قانون تصدیقلنیشی گه قرشی نمایندهلردن بیرقطاری نینگ اورغولشیچه، بو قانون اسلام دینی گه قرشی بولگنی باعث، تیکشیریلیشی کیرهک.
اوشبو قانون نینگ اوچینچی مادهسیده کیلیشیچه، 18 یاشینی تولدیرمهگنلرگه باله دییلهدی.
نمایندهلر کینگشی نینگ اعضالریدن بیری حبیبالرحمان سیاف، بو قانون تصدیقلنیشی گه قرشیلیک بیلدیریب ایتیشیچه، اوشبو قانون تصدیقلنیشی اوچون نمایندهلر کینگشی نینگ نصابی تکمیل بولگنی یا-ده بولمهگنی تیکشیریلیشی لازم.
بیراق، نمایندهلر کینگشی اعضالریدن باشقه بیری ناهید فریدنینگ ایتیشیچه، بو قانون بالهلرنینگ خوفسیزلیگی اوچون تصدیقلنگن و اسلام دینی گه قرشی ایمس دیر.
بالهلردن حمایت قیلوووچی قانون اوستیگه بولگن جنجللر دوامی باعث، نمایندهلر کینگشی نینگ باشلیغی میررحمان رحمانی، اسلام دینی گه قرشی دییلگن ماده جدی شکلده تیکشیریلیشی اوچون اوشبو قانون گه موافق و قرشی بولگنلردن 10 کیشیلیک بیر هیأت تعیین قیلدی.
افغانستان بوییچه بالهلردن حمایت قیلووچی قانونی اوتگن 16 فصل و 108 ماده ده نمایندهلر کینگشی تامانیدن تصدیقلنگن.
شو توغریده…
