بغلان ولایتی کینگش اورین باسری شمسالحق بارکزی نینگ بو ولایت بیلیم یورتی باشلیغیدن تنقید قیلیب ایتیشیچه، اوشبو بیلیم یورت مسووللریدن بیرقطاری، درس صنفلری قوریش اوچون اوقووچیلردن آغاچ کیلتیریشینی طلب قیلگنلر.
بغلان بیلیم یورتی اوقووچیلریدن بیرقطاریگه کوره، بیلیم یورت مسووللری نیچه مرته بیلیم یورت بولیملرینی قوریش و درس لوازملرینی ساتیب آلیش اوچون اولردن پول توپلهگنلر.
بغلان بیلیم یورتی باشلیغی سیدجانان ساطع نینگ ایتیشیچه، بو بیلیم یورت اوقیتووچیلریدن بیری ناقانونی شکلده بو دستورنی بیرگن. او اوقووچیلردن پول توپلنگنینی رد قیلهدی.
پلخمریده حوا لیسهسی مدیری خانم لیلما نینگ ایتیشیچه، اوقووچیلر عایلهلرینینگ مصلحتی اساسیده درس صنفلری قوریش اوچون هر بیر اوقووچیدن ایکیته خشت طلب قیلگنلر.
بیراق، معارف وزیرلیگی سوزلاوچیسی نوریه نزهت نینگ ایتیشیچه، بو ایش جبری ایمس و مکتب قوریشگه همکارلیک قیلهدیگن کیشیلر معارف وزیرلیگی تامانیدن خوش قرشیلنهدی.
گزارشلرگه کوره، کوپینچه بودجه معارف وزیرلیگیگه اجرهتیلگن، بیراق حاضرده هم مملکت بیرقطار ولایتلریده مکتبلرنینگ بناسی یوق دیر و اوقووچیلر آچیق فضاده تعلیم کورهدیلر.
